សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន ៖ យោងតាមរបាយការណ៍របស់ការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តប៉ៃលិនបានឱ្យដឹងថា នៅវេលាម៉ោង៨និង៤០នាទី ថ្ងៃទី០១ ខែធ្នូ ឆ្នាំ២០២២ កម្លាំងការិយាល័យប្រឆាំងគ្រឿងញៀន នៃស្នងការដ្ឋានខេត្តបានចុះស៊ើបអង្កេតស្រាវជ្រាវនិងបង្ក្រាបជាក់ស្តែងនូវករណីរក្សាទុកនិងប្រើប្រាស់គ្រឿងញៀនខុសច្បាប់ ដោយបានឃាត់ខ្លួនជនសង្ស័យចំនួន២នាក់
ព្រមទាំងវត្តុតាងមួយចំនួន។ ករណីចុះបង្ក្រាបជាក់ស្ដែងនេះស្ថិតនៅភូមិក្ងោក ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
សមត្តកិច្ចនគរបាលជំនាញគ្រឿងញៀនបានបន្តថា ជនសង្ស័យដែលឃាត់ខ្លួន ទី១-ឈ្មោះ នង ពុទ្ធី ភេទប្រុស អាយុ៣៧ឆ្នាំ រស់នៅភូមិក្ងោក ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
វត្ថុតាងដកហូតមាន ម្សៅក្រាមពណ៌សថ្លា(ម៉ាទឹកកកICE)ចំនួន២កញ្ចប់តូច និងសម្ភារសម្រាប់ជក់មួយចំនួន។
ជនសង្ស័យទី២-ឈ្មោះ វុធ មន្ថា ភេទប្រុស អាយុ៣៥ឆ្នាំ រស់នៅភូមិក្ងោក ឃុំស្ទឹងកាច់ ស្រុកសាលាក្រៅ ខេត្តប៉ៃលិន។ វត្ថុតាងចាប់យកមាន៖ ម្សៅក្រាមសថ្លាiceចំនួន០១កញ្ចប់, wyចំនួន ១២គ្រាប់។
កម្លាំងជំនាញខេត្តបាននាំខ្លួនជនសង្ស័យនិងវត្ថុតាងយកទៅកាន់ការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តប៉ៃលិនដើម្បីសាកសួរ និងអនុវត្តនីតិវិធីបន្ត៕
ដោយ៖ ស សារ៉េត
