សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបេីករថយន្តម៉ាក តូយ៉ូតា ព្រូស មួយគ្រឿងក្នុងល្បឿនលឿន រួចឡេីងស្ពានព្រែកសំរោងមិនប្រយ័ត្នជ្រុលចង្កូតទៅបុករថយន្តសណ្ដោងទូកុងតឺន័រចំពីមុខពេញទំហឹង បណ្ដាលឱ្យរងការខូចខាតយ៉ាងដំណំទាំងសងខាង។ ហេតុការណ៍គ្រោះច្នាក់ចរាចរណ៍នេះបានកើតឡើងកាលពីវេលាវេលា១០និង៣០នាទីយប់ថ្ងៃទី១៦ ខែធ្នូ ឆ្នាំ២០២២ ស្ថិតនៅលេីស្ពានព្រែកសំរោង សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។
តាមប្រភព័ត៌មានពីកន្លែងកេីតហេតុបានឱ្យដឹងថា មុនកេីតហេតុគេឃេីញរថយន្តធុនធំសណ្ដោងទូកុងតឺនរ ក្បាលពណ៌ស ពាក់ផ្លាកលេខភ្នំពេញ 3E-3009 ធ្វេីដំណេីរតាមបណ្ដោយផ្លូវថៃហ្គ័រក្នុងទិសដៅពីកេីតទៅលិច រួចបើកឡេីងស្ពានព្រែកសំរោងមកដល់ពាក់កណ្ដាលស្ពាន ស្រាប់តែមានរថយន្តម៉ាក តូយ៉ូតា ព្រូស ពណ៌ប្រផេះ ពាក់ផ្លាកលេខ ភ្នំពេញ 2AW-7161 ធ្វេីដំណេីរបញ្ច្រាសទិសគ្នាក្នុងល្បឿនលឿន ដោយមិនប្រយ័ត្នក៏រេចង្កូតមកឆ្វេងដៃបន្តិចជ្រុលទៅបុករថយន្តសណ្ដោងទូកុងតឺន័រពេញទំហឹងបណ្ដាលឱ្យរថយន្តទាំងពីរគ្រឿងខ្ទេចផ្នែកខាងមុខយ៉ាងដំណំដូចគ្នា តែក្នុងករណីគ្រោះថ្នាក់ចរាចរណ៍នេះមិនធ្វេីឱ្យមនុស្សណាម្នាក់រងរបួសនោះឡេីយ ។
ក្រោយពេលកេីតហេតុ ភាគីខាងរថយន្តតូយ៉ូតា ព្រូស បានដឹងខ្លួនខុសក៏សម្រួលព្រមសងថ្លៃខូចខាតឱ្យទៅភាគីរថយន្តសណ្ដោងទូកុងតឺន័រចំនួន១៥០$ដេីម្បីបញ្ចប់រឿងនៅនឹងកន្លែង រួចស្ទូចយករថយន្តទៅជួសជុលរៀងៗខ្លួន ៕
ដោយ ៖ ភារ៉ា ដង្កោ
