សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មនុស្សប្រុសស្រីចំនួន៤នាក់បានរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗបន្ទាប់ពីធ្វេីដំណេីរតាមឡំប្រឺតាមួយគ្រឿងត្រូវរថយន្តតាកូម៉ាបេីកបុកពេញទំហឹងកាលពីវេលាម៉ោង១២និង២០នាទីរំលងអធ្រាត្រឈានចូលថ្ងៃទី២៣ ខែធ្នូ ឆ្នាំ២០២២ នៅចំណុចស្តុបទួលស្វាយព្រៃ តាមបណ្តោយផ្លូវលេខ១៩៩កែងផ្លូវម៉ៅសេទុង ស្ថិតក្នុងសង្កាត់ទួលស្វាយព្រៃទី១ ខណ្ឌបឹងកេងកង។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញឡំប្រឺតាមួយគ្រឿងបេីកបរដោយបុរសម្នាក់ដឹកភ្ញៀវប្រុសម្នាក់ស្រី២នាក់ ធ្វេីដំណេីរតាមបណ្តោយផ្លូវម៉ៅសេទុង ក្នុងទិសដៅពីជេីងទៅត្បូងខណៈមកដល់ចំណុចកេីតហេតុស្រាប់តែមានរថយន្តម៉ាកតាកូម៉ា ពណ៌ស ពាក់ស្លាកលេខភ្នំពេញ2AO 6151 ធ្វេីដំណេីរតាមបណ្តោយផ្លូវលេខ១៩៩ ក្នុងទិសដៅពីលិចទៅកេីតលឿនជ្រុលបុកឡំប្រឺតាពីចំហៀងផ្នែកខាងមុខពេញទំហឹងបណ្តាលឱ្យអ្នកជិះក្នុងឡំប្រឺតារងរបួសធ្ងន់៤នាក់ចំណែករថយន្តនិងឡំប្រឺតារងការខូចខាតយ៉ាងដំណំ។
ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំណែករថយន្តនិងឡំប្រឺតាត្រូវបានសមត្ថកិច្ចធ្វេីការវាស់វែងយកទៅការិយាល័យចរាចរណ៍ជេីងគោកនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយពេលក្រោយ ៕
ដោយ៖សុខាសែនជ័យ
