សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ ទាំងកណ្តាលថ្ងៃត្រង់ បុរសម្នាក់បើកឡានក្នុងស្ថានភាពស្រវឹង ក៏ទៅកៀរ គ្រឿងចក្រអ៊ុតផ្លូវកៅស៊ូរបស់ក្រុមហ៊ុន១នៅស្រុកសង្កែ ខេត្តបាត់ដំបង ។
ប៉ុន្តែអ្នកបើកបររថយន្តដឹងខ្លួនឯងខុស ក៏ចុះមកសូមទោសខាងអ្នកបើកបរគ្រឿងចក្រ មិនឱ្យមានបញ្ហាអីវែងឆ្ងាយ ក៏សុំឡានយកទៅជួសជុលខ្លួនឯង ។
ករណីឡានបើកកៀរគ្រឿងចក្រ បានកើតឡើងនៅតាមបណ្ដោយផ្លូវជាតិលេខ៥ ស្ថិតក្នុងស្រុកសង្កែខេត្តបាត់ដំបង បណ្ដាលឲ្យរងការខូចខាតផ្នែកខាងក្រោយ អស់មួយចំហៀងធំផងដែរ។
សេចក្ដីរាយការណ៍ពីកន្លែងកើតហេតុ បានឲ្យដឹងថា ៖ រថយន្ដបង្កហេតុ រងការខូចខាតនោះ ម៉ាក Camry ពណ៌ស្ករ ពាក់ផ្លាកលេខភ្នំពេញ 2AI-5494 ខណៈបុកគ្រឿងចក្រកំពុងអ៊ុតធ្វើផ្លូវមិនមែនបុកឡានដឹកគ្រឿងចក្រទេ ជៀសវាងការយល់ច្រឡំ ។
ម្ចាស់ខាងគ្រឿងចក្របានបញ្ជាក់ថា ៖ អ្នកបើកបររថយន្ត គាត់ស្រវឹងហើយបើកមកកៀរគ្រឿងចក្រ រួចគាត់ក៏សូមទោស ដោយមិនបាច់វែកញែករកខុសត្រូវអីទេ គឺគាត់សុំយកឡានទៅធ្វើជួសជុលដោយខ្លួនឯងចុះ ។ ដូច្នេះខាងគ្រឿងចក្រក៏ឯកភាព ខណៈឃើញគាត់ស្រវឹងទោទន់ទៅហើយ។
ខាងតំណាងក្រុមហ៊ុន បានប្រាប់អង្គភាព មជ្ឈមណ្ឌលព័ត៌មាន«នគរវត្ត»នៅល្ងាចថ្ងៃទី២១ ខែមករាឆ្នាំ២០២៣ ថា៖ ឡានមកបុកគ្រឿងចក្រ ហើយម្ចាស់សុំតែរួចខ្លួន ដើម្បីយកឡានទៅធ្វើ បែជាមានការផ្សាយពីករណីកើតហេតុខាងលើទៅវិញ ថា ឡានដឹកគ្រឿងចក្របុករថយន្ត ? តាមពិតឡានទេ ទៅបើកបុកគ្រឿងចក្រកំពុងអ៊ុតធ្វើផ្លូវ ។
ខាងបុគ្គលិកបានប្រាប់គាត់ថា ៖ អ្នកបើកបរឡាន គាត់ស្រវឹងនិយាយមិនចង់រួចផង ទើបមានការយោគយល់គ្នាទៅ គឺគាត់សុំត្រឹមយកឡានទៅជួសជុលខ្លួនឯង ៕
ដោយ៖ សហការី
