កិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅអនុវត្តសម្រាប់ខែមីនា ឆ្នាំ២០២៣ និងរៀបចំពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិ ជូនមន្ត្រីនគរបាលខណ្ឌឫស្សីកែវ

ចែករំលែក៖

ភ្នំពេញ៖ ដោយបានការអនុញ្ញាតពី លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ នៅព្រឹកថ្ងៃសុក្រ ៥កើត ខែផល្គុន ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី២៤ ខែកុម្ភៈ ឆ្នាំ២០២៣ លោកឧត្តមសេនីយ៍ត្រី សរ សំណាង ស្នងការរង និងលោកឧត្តមសេនីយ៍ត្រី ម៉ៅ រង្សី ស្នងការរង ទទួលដឹកនាំការងារនៅអធិការដ្ឋាននគរបាលខណ្ឌឫស្សីកែវ និងលោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ បានដឹកនាំកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅអនុវត្តសម្រាប់ខែមីនា ឆ្នាំ២០២៣ និងរៀបចំពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិ ជូនមន្ត្រីនគរបាលជាតិ នៃអធិការដ្ឋាននគរបាលខណ្ឌឫស្សីកែវ នៅសាលាលប្រជុំអធិការដ្ឋាននគរបាលខណ្ឌឫស្សីកែវ ដោយមានការអញ្ជើញចូលរួមពី លោក-លោកស្រី អធិការរង នាយផ្នែក នាយប៉ុស្តិ៍ និងមន្ត្រីពាក់ព័ន្ធ ។

នាក្នុងឱកាសនេះដែរ លោកឧត្តមសេនីយ៍ត្រី ស្នងការរង ទាំង០២រូប បានមានប្រសាសន៍កោតសរសើរដល់កម្លាំងនគរខណ្ឌឫស្សីកែវទាំងអស់ ដែលបានខិតខំប្រឹងប្រឹងបំពេញតួនាទីក្នុងការថែរក្សាសន្តិសុខ សណ្តាប់ធ្នាប់ សុវត្ថិភាព ជាពិសេសបានបំពេញភារកិច្ចបម្រើសេវាសាធារណៈ ដូចជា ធ្វើសៀវភៅគ្រួសារ សៀវភៅស្នាក់នៅ និងអត្តសញ្ញាណប័ណ្ណ ជូនប្រជាពលរដ្ឋក្នុងមូលដ្ឋាន។ ក្នុងនោះដែរ លោកស្នងការរង ក៏បានណែនាំការងារមួយចំនួន ដូចខាងក្រោម ៖

១-ចំពោះកម្លាំងនគរបាលដែលទើបបានតែតាំងមុខតំណែង និងតម្លើងឋានន្តរសក្តិ ថ្មី សូមឱ្យយកចិត្តទុកដាក់ និងខិតខំប្រឹងប្រែងបំពេញការងារក្នុងអង្គភាព និងថ្នាក់ដឹកនាំប្រគល់ជូន ឱ្យបានល្អ ប្រកបដោយក្រមសីលធម៌ និងវិជ្ជាជីវៈ។

២-ឱ្យកម្លាំងទាំងអស់បន្តសកម្មភាព និងអនុវត្តទិសដៅការងារបន្ត លើការងារល្បាតពួនស្ទាក់ បង្ការទប់ស្កាត់ បទល្មើសព្រហ្មទណ្ឌ គ្រឿងញៀន ការងារជំនាញផ្សេងៗ និងបម្រើសេវាសាធារណៈ ជូនប្រជាពលរដ្ឋឱ្យទទួលបានលទ្ធផលល្អ និងកាន់តែប្រសើរជាងមុន ៕