ខ្សែប្រយុទ្ធអាហ្សង់ទីន Lionel Messi ឈ្នះពានរង្វាន់កីឡាករឆ្នើមប្រចាំឆ្នាំរបស់ FIFA

ចែករំលែក៖

ខ្សែប្រយុទ្ធអាហ្សង់ទីន និងកំពុងលេងឲ្យក្លិបបារាំង Paris St-Germain កីឡាករ Lionel Messi បានជាប់ជាកីឡាករឆ្នើមប្រចាំឆ្នាំនៅពានរង្វាន់ FIFA Best 2022។ កីឡាករវ័យ៣៥ឆ្នាំរូបនេះបានផ្តួលខ្សែប្រយុទ្ធបារាំង Kylian Mbappe និង Karim Benzema ដើម្បីទទួលបានរង្វាន់នេះ។

Messi បានធ្វើជាប្រធានក្រុមអាហ្សង់ទីនលើកពាន World Cup នៅប្រទេសកាតា ហើយស៊ុតបាន២៧គ្រាប់ក្នុង៤៩ប្រកួតសម្រាប់ក្លិប និងប្រទេសក្នុងឆ្នាំ២០២១–២០២២។ ចំណែកកីឡាការិនី Alexia Putellasរបស់ Barcelona ជាប់ជាកីឡាការិនីឆ្នើមប្រចាំឆ្នាំផ្នែកនារី។

Messi ដែលបានឈ្នះពានរង្វាន់នេះជាលើកទី២បាននិយាយថា “វាអស្ចារ្យណាស់ វាជាឆ្នាំដ៏អស្ចារ្យ ហើយជាកិត្តិយសសម្រាប់ខ្ញុំដែលបាននៅទីនេះ និងឈ្នះពានរង្វាន់នេះ។ បើគ្មានមិត្តរួមក្រុមរបស់ខ្ញុំ ខ្ញុំនឹងមិននៅទីនេះទេ។ ខ្ញុំសម្រេចបាននូវក្តីសុបិនដែលខ្ញុំសង្ឃឹមទុកជាយូរណាស់មកហើយ។ មានមនុស្សតិចណាស់ដែលអាចសម្រេចបាន ហើយខ្ញុំមានសំណាងក្នុងការធ្វើដូច្នេះ”។

នៅឯពិធីប្រគល់រង្វាន់នៅទីក្រុងប៉ារីស លោក Lionel Scaloni ដែលបានដឹកនាំអាហ្សង់ទីនឱ្យឈ្នះពាន World Cup ជាលើកទី៣ត្រូវបានតែងតាំងជាគ្រូបង្វឹកឆ្នើមប្រចាំឆ្នាំ។ លោក Scaloni បានផ្តួលលោក Pep Guardiola ដែលបានដឹកនាំ Manchester City ឱ្យឈ្នះជើងឯក Premier League ជាលើកទី៦ ហើយលោក Carlo Ancelotti ដែលជាគ្រូបង្វឹកដែលឈ្នះពានរង្វាន់ Champions League របស់ Real Madrid ទទួលបានពានរង្វាន់កិត្តិយស។

អ្នកចាត់ការជម្រើសជាតិអង់គ្លេស លោកស្រី Sarina Wiegman ត្រូវបានតែងតាំងជាគ្រូបង្វឹកស្ត្រីឆ្នើមប្រចាំឆ្នាំ បន្ទាប់ពីដឹកនាំក្រុមជម្រើសជាតិនារីអង់គ្លេសឈ្នះជើងឯកអឺរ៉ុបនៅលើទឹកដីខ្លួនឯងកាលពីឆ្នាំមុន ដែលជាពានរង្វាន់ធំដំបូងរបស់ក្រុម។

កីឡាករ Emiliano Martinez លេងឲ្យក្រុម Aston Villa របស់អាហ្សង់ទីនត្រូវបានទទួលស្គាល់ថា ជាអ្នកចាំទីបុរសល្អបំផុត ខណៈដែល Mary Earps របស់អង់គ្លេសបានឈ្នះពានរង្វាន់អ្នកចាំទីស្ត្រីល្អបំផុត។Martinez វ័យ៣០ឆ្នាំបានជួយប្រទេសរបស់គាត់ឈ្នះការប្រកួត World Cup ដោយបានសង្គ្រោះបាល់ប៉េណាល់ទីចំនួន៤ដង រួមទាំងការទទួលជ័យជម្នះដោយការស៊ុតបាល់បញ្ចូលទីជាមួយបារាំងក្នុងវគ្គផ្តាច់ព្រ័ត្រផងដែរ។

លោក Martinez បាននិយាយថា “ពួកគេតែងតែសួរខ្ញុំថា តើនរណាជា Idol របស់ខ្ញុំ ឬអ្នកណាដែលខ្ញុំមើលកាលពីខ្ញុំនៅក្មេង មើលម្តាយរបស់ខ្ញុំ ៨ម៉ោង ឬ៩ម៉ោង និងមើលការងាររបស់ប៉ា ពួកគាត់គឺជា Idol របស់ខ្ញុំដែលបានផ្តល់ឲ្យខ្ញុំមានសមត្ថភាពនៅពេលនេះ”។

ចំណែកកីឡាការិនី Earps ដែលលេងឱ្យ Manchester United ក្នុងក្របខ័ណ្ឌ Women’s Super League បានចាប់ផ្តើមការប្រកួតទាំង៦របស់អង់គ្លេសនៅ Euro 2022 ខណៈដែលពួកគេបានឈ្នះការប្រកួតនេះ។ នាងបាននិយាយថា “សម្រាប់នរណាម្នាក់ដែលបាននៅក្នុងទីងងឹត គ្រាន់តែដឹងថាមានពន្លឺនៅចុងបញ្ចប់នៃផ្លូវរូងក្រោមដី ដូច្នេះបន្តទៅមុខ។ អ្នកអាចសម្រេចបាននូវអ្វីដែលអ្នកបានកំណត់”។

កីឡាករបាល់ទាត់ Amputee Marcin Oleksy មកពីក្លិបប៉ូឡូញ Warta Poznan បានឈ្នះពានរង្វាន់ FIFA Puskas សម្រាប់គ្រាប់បាល់ល្អបំផុតប្រចាំឆ្នាំ។ គាត់បានបញ្ជូនបាល់ដ៏គួរឱ្យភ្ញាក់ផ្អើលប៉ះនឹង Stal Rzeszow ដែលហោះទៅខាងក្រោយសំណាញ់ទីដោយជំនាញនៃភាពអស្ចារ្យរបស់គាត់។

ដោយឡែកអ្នកទទួលពានរង្វាន់ Fair Play គឺ Luka Lochoshvili ដែលកាន់អណ្តាតគូប្រកួតរបស់គាត់ Georg Teigl ដើម្បីជួយសង្រ្គោះជីវិតរបស់គាត់ បន្ទាប់ពីខ្សែបម្រើរូបនេះបានសន្លប់។ រីឯកីឡាករល្អក្នុង១១នាក់ដំបូងប្រចាំការប្រកួតគឺ Thibaut Courtois, Achraf Hakimi, Virgil van Dijk, Joao Cancelo; Kevin De Bruyne, Luka Modric, Casemiro; Lionel Messi, Erling Haaland, Karim Benzema, Kylian Mbappe។ នេះជាបញ្ជីឈ្មោះអ្នកឈ្នះពានរង្វាន់ទាំងអស់ (Full list of winners)៖