សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រដ្ឋាករទឹកស្វ័យតក្រុងភ្នំពេញ នៅរសៀលថ្ងៃពុធទី០៥ ខែមេសា ឆ្នាំ២០២៣នេះ បានចេញសេចក្តីជូនដំណឹងស្តីពីការផ្អាកផ្គត់ផ្គង់ទឹកស្អាតបណ្តោះអាសន្ននៅលើផ្លូវលេខ១១៤ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។
រដ្ឋាករទឹកស្វ័យតក្រុងភ្នំពេញ បានបញ្ជាក់ថា ការផ្អាកផ្គត់ផ្គង់ទឹកស្អាតបណ្តោះអាសន្ននៅលើផ្លូវលេខ១១៤ សង្កាត់ព្រែកឯងនេះ មូលហេតុ៖ ធ្លាយបំពង់ចែកចាយទឹកទំហំ ២២៥មម។
– ទីតាំង៖ លើផ្លូវលេខ១១៤។
– ផ្ទៃសេវាផ្អាកផ្គត់ផ្គង់ទឹកបណ្តោះអាសន្ន៖ លើផ្លូវលេខ១១៤ ចាប់ពីផ្លូវលេខ៤០KK ដល់ផ្លូវជាតិលេខ១ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។
– រយៈពេល៖ នៅថ្ងៃពុធ ទី៥ ខែមេសា ឆ្នាំ២០២៣ ចាប់ពីម៉ោង ១៣ និង៣០នាទីរសៀល រហូតដល់បញ្ចប់ការជួសជុល។ ដូច្នេះសូមអតិថិជនករុណាមេត្តាអធ្យាស្រ័យដោយក្តីអនុគ្រោះ
សូមអគុណ🙏
ជាមួយគ្នានោះ នៅព្រឹកថ្ងៃពុធទី០៥ ខែមេសានេះដែរ រដ្ឋាករទឹកស្វ័យតក្រុងភ្នំពេញ បានចាត់ឱ្យក្រុមការងាររដ្ឋាករទឹកស្វយ័តក្រុងភ្នំពេញ បានចុះផ្សព្វផ្សាយពីសេចក្តីជូនដំណឹង ស្តីពីការស្នើសុំកិច្ចសហការពីសំណាក់អតិថិជនឧស្សាហកម្ម និងសិប្បកម្ម ក្នុងការចូលរួមសន្សំសំចៃទឹក ដើម្បីរួមចំណែកក្នុងការចែករំលែកទឹកស្អាតជូនដល់ប្រជាពលរដ្ឋដែលកំពុងជួបប្រទះកង្វះទឹកស្អាតប្រើប្រាស់នៅរដូវប្រាំងនេះ។ ក្រុមការងារក៍បានជម្រាបជូនអតិថិជនឧស្សាហកម្ម និងសិប្បកម្ម របស់ រ.ទ.ស.ភ ពិនិត្យលទ្ធភាពស្តុកទឹកស្អាតទុកប្រើប្រាស់នៅម៉ោងដែលមានតម្រូវការខ្ពស់ ជៀសវាងការប្រើប្រាស់ព្រមគ្នា ដែលបណ្តាលឱ្យសម្ពាធទឹកចុះខ្សោយ។💧 ទឹកស្អាតសម្រាប់ទាំងអស់គ្នា 💧
រដ្ឋាករទឹកស្វយ័តក្រុងភ្នំពេញ (រ.ទ.ស.ភ) មានកិត្តិយស សូមទូលថ្វាយ និងគោរពជម្រាបជូន សម្តេច ទ្រង់ ឯកឧត្តម លោកជំទាវ អ្នកឧកញ៉ា លោក-លោកស្រី មេត្តាជ្រាបថា៖ រដ្ឋាករទឹកស្វយ័តក្រុងភ្នំពេញ បានបង្កើត Telegram Channel ផ្លូវការដែលមានឈ្មោះ “រដ្ឋាករទឹកស្វយ័តក្រុងភ្នំពេញ (រ.ទ.ស.ភ)” ។
សូមជម្រាបថា Telegram Channel នេះ គឺជាយន្តការផ្សព្វផ្សាយព័ត៌មានបន្ថែមទៅលើ Facebook page និង Website របស់ រ.ទ.ស.ភ ដែលមានស្រាប់ ក្នុងគោលបំណងផ្សព្វផ្សាយឱ្យបានទូលំទូលាយនូវព័ត៌មាន ឬ សកម្មភាពនៃការអនុវត្តន៍ការងាររបស់ រ.ទ.ស.ភ ដើម្បីចែករំលែកទៅកាន់សារធាណជនបានជ្រាប។ សូមអតិថិជនដែលមានបំណងចង់ទទួលបានព័ត៌មាន ក៏ដូចជាដឹងពីព្រឹត្តិការណ៍ថ្មីៗ របស់ រ.ទ.ស.ភ ទាន់ពេលវេលាផងដែរ៕
ដោយ៖ សហការី
