សារព័ត៌មាន នគរវត្ត តែងតែនាំមុខគេជានិច្ច
ក្រុម Roma របស់លោក Jose Mourinho បានឈានដល់វគ្គផ្តាច់ព្រ័ត្រ Europa League ដោយបានផ្តួលក្រុម Bayer Leverkusen ទោះបីទទួលបានលទ្ធផលស្មើគ្នា០ទល់០ ដោយគ្មានគ្រាប់បាល់ក្នុងជើងទី២នៃការប្រកួតពាក់កណ្តាលផ្តាច់ព្រ័ត្ររបស់ខ្លួនក៏ដោយ។
គ្រាប់បាល់របស់ Edoardo Bove បានជួយឲ្យក្រុមអ៊ីតាលីទទួលបានជ័យជម្នះ ១-០ ក្នុងការប្រកួតកាលពីជើងទី១ ហើយវាគ្រប់គ្រាន់ក្នុងការនាំពួកគេឆ្លងផុតវគ្គនេះ។ កីឡាករ Moussa Diaby បានព្យាយាមវាយបកឲ្យក្រុមរបស់លោក Xabi Alonso ក្នុងតង់ទី១នៃជើងទី២ ប៉ុន្តែពួកគេមិនអាចរកគ្រាប់បាល់បំប៉ោងសំណាញ់ទីដដែល។
លោក Mourinho បានឈ្នះការប្រកួតវគ្គផ្តាច់ព្រ័ត្រអឺរ៉ុបទាំង៥លើកមុនរបស់គាត់ រួមទាំង Europa Conference League កាលពីរដូវកាលមុនជាមួយ Roma។ ជាមួយនឹងការប្រកួតជាមួយក្រុម Leverkusen ក្រុមរបស់លោកមានសង្ឃឹមតិចក្នុងជើងទី២ ប៉ុន្តែក្រុម Roma បានទប់ស្មើគ្នាដោយគ្មានគ្រាប់បាល់ ដែលជាឱកាសនាំក្រុមនេះឡើងទៅកាន់វគ្គផ្តាច់ព្រ័ត្រ ដោយត្រូវជួប Sevilla។
កីឡាករ Kerem Demirbay បានឃើញការស៊ុតបាល់ចំគោលដៅរបស់គាត់ តែត្រូវបានសង្គ្រោះដោយអ្នកចាំទី Rui Patricio របស់ Roma ភ្លាមៗ ខណៈពេលដែលក្រុម Leverkusen មានការខឹងសម្បារនៅពេលដែលអាជ្ញាកណ្តាលមិនបានពិន័យ នៅពេលដែល Sardar Azmoun ហាក់ដូចជាត្រូវបានទាញដោយ Bryan Cristante នៅខាងក្រៅប្រអប់។
ជ័យជម្នះរបស់ Roma នេះគឺបន្ទាប់ពី៣១ឆ្នាំដោយគ្មានការប្រកួតវគ្គផ្តាច់ព្រ័ត្រអឺរ៉ុបដែល Roma អាចទន្ទឹងរង់ចាំការប្រកួតលើកទី២ក្នុងរយៈពេលជាច្រើនឆ្នាំ។ Roma នឹងត្រូវប្រកួតវគ្គផ្តាច់ព្រ័ត្រនៅទីក្រុង Budapest នៅថ្ងៃទី៣១ ឧសភាខាងមុខ ជាមួយក្រុម Sevilla ដែលបានយកឈ្នះ Juventus ទាំង២ជើងក្នុងលទ្ធផល៣ទល់២ ៕
ដោយ៖ ភារៈ(រូបភាព ៖ BBC Sport)
