🔴គ្លីនិកមួយដែលមានឈ្មោះថា(BORIN Esthetic Center) , កែសម្ផស្សមនុស្សឈានដល់ស្លាប់ជនរងគ្រោះ តើអង្គភាពប្រឆាំងផលិតផលក្លែងក្លាយ និងជំនាញសុខាភិបាលចាត់ការឬទេ ?

ភ្នំពេញ ៖ គណនី facebook មួយដែលឈ្មោះថា (Pisey Tun) បានបង្ហោះនូវរឿងសោកសៅបំផុត បន្ទាប់ពីបាត់សមាជិករបស់ខ្លួនក្នុងគ្រួសារដែល បាត់បង់ជីវិតដោយសារគ្លីនិក (BORIN Esthetic Center) បានកែសម្ផស្ស បណ្ដាលឱ្យជនរងគ្រោះស្លាប់ ? រួចក៏បានសរសេរនៅក្នុងអាខោនរបស់ខ្លួនថា ខ្ងុំនៅតែមិនអស់ចិត្ត អាណិតប្អូនខ្ងុំណាស់ មន្ទីរពេទ្យកែសម្ផស្សគ្លីនិកបូរិន នៅកោះពេជ្រ បានធ្វើការវះកាត់កែសម្ផស្សប្អូនខ្ញុំ ធ្វើអោយស្លាប់ សូមក្រសួងសុខាភិបាលមេត្តាពិនិត្យលើរឿងនេះផង គាត់បាននិយាយថា គាត់ខ្សោយហើយឈាមមិនគ្រប់ ហេតុអ្វីគាត់នៅតែធ្វើការវះកាត់ 😭😭​ ឬគាត់ចង់បានលុយ ផេករបស់គាត់បាន Block ឆែកមិនឃើញ ក្រោយកើតហេតុ 📞 សូមបងប្អូនដែលស្រលាញ់គាត់ជួយ ស៊ែផង🙏🙏🙏

ប្រភព​ #ទុនពិសី ។ 

    សូមបញ្ជាក់ថា : គ្លីនិកមួយដែលមានឈ្មោះថា  BORIN Esthetic Center បានបិទអាខោនរបស់ខ្លួន បន្ទាប់ពីក្រុមគ្រួសារជនរងគ្រោះបានបង្ហោះជុំវិញបញ្ហាគ្រោះថ្នាក់ដោយសារតែការកែសម្ផស្សនេះ។ 

    ដោយឡែក ! តើខាងអង្គភាពប្រឆាំងផលិតផលក្លែងក្លាយ ដែលតែងតែមានវត្តមានចុះបង្ក្រាបផលិតផលក្លែងក្លាយ ទីតាំងលក់ ចែកចាយតាមស្មារតី គោះទឹកបង្អើលត្រី , ដើរដាក់ខែជាមួយការលក់ដូរផលិតផលមិនស្របច្បាប់ បានចាត់ចែង គិតគូរក្នុងរឿងនេះហើយឬនៅ ? ពីព្រោះថា ទោះគ្លីនិក កន្លែងកែសម្ផស្សនៅក្រហែងមេឃណា អគារ ខុនដូ ហាងតាមមូលដ្ឋាន ឬជាន់ខ្ពស់បន្ទប់ណាក៏ដោយគឺ តែងតែរកឃើញ ចុះបង្ក្រាប ដើម្បីទាញយកប្រយោជន៍។ ចុះករណីនេះ? អង្គភាពមួយនេះ បានបំពេញកាតព្វកិច្ចរួចហើយឬនៅ ? ឬមួយពង្រាយសមត្ថកិច្ចនៅក្នុងអង្គភាពរបស់ខ្លួន ដើរដាក់ខែដើម្បីផលប្រយោជន៍ ទាំងមិនបានគិតអំពីសុខភាពអាយុជីវិតរបស់ប្រជាពលរដ្ឋ ? 

ជាបឋម ! អង្គភាពមជ្ឈមណ្ឌលព័ត៌មាន”នគរវត្ត ” មិនទាន់ទទួលបានការបកស្រាយណាមួយពីគ្លីនិក និងអង្គភាពប្រឆាំងផលិតផលក្លែងក្លាយនៅឡើយទេ។ ប៉ុន្តែ នឹងរង់ចាំការបកស្រាយ ប្រសិនបើមានហេតុផលពិតប្រាកដ។ 

អង្គភាពប្រឆាំងផលិតផលក្លែងក្លាយ ដើរតួនាទីដ៏សំខាន់ក្នុងការបង្ក្រាបផលិតផលក្លែងក្លាយ ប៉ះពាល់ដល់សុខភាព ប្រជាពលរដ្ឋ គ្រាន់តែសូមកុំយកតួនាទីភារកិច្ចទៅគំរាមដាក់ខែក្នុងប្រយោជន៍បុគ្គល ឈានដល់ប៉ះពាល់អង្គភាពនោះឱ្យសោះ។ 

    គេមានជំនឿថា ទាំងប្រធានអង្គភាព ទាំងក្រុមបង្ក្រាប ផលិតផលក្លែងក្លាយ ហ៊ានទទួលស្គាល់ទេ  ថាខ្លួនមិនបានពាក់ព័ន្ធក្នុងការទទួលផលប្រយោជន៍ពីទីតាំងបើកលក់ដូរ គ្លីនិក មិនស្របតាមស្តង់ដារ ? គេទទួលស្គាល់រាល់ការបង្ក្រាប និងដុតចោលវត្ថុតាង ទាំងមិនទាន់មានសាលក្រមពីតុលាការ ប៉ុន្តែគេក៏បានដឹងច្បាស់ ចរិតនៃអំពើពុករលួយរបស់អ្នក ដល់កម្រិតណាដែរ ( ផ្ទៃក្នុងនិយាយអស់ហើយ) ! បើកាត់បន្ថយបាន កាត់បន្ថយខ្លះទៅ ជីវិតប្រជាពលរដ្ឋ សង្ឃឹមលើសមត្ថកិច្ចរបស់អ្នកហើយ ៕ 

ដោយ ៖ សហការី