សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗបន្ទាប់ពីជិះម៉ូតូលឿនមិនប្រយ័ត្នជ្រុលទៅបុករ៉ឺម៉កលក់បបរពីក្រោយពេញទំហឹង កាលពីវេលាម៉ោង២និង៤០នាទីរសៀលថ្ងៃទី២៨ ខែមិថុនា ឆ្នាំ២០២៣ នៅតាមបណ្តោយផ្លូវជាតិលេខ៣ ក្នុងភូមិព្រៃកី សង្កាត់ភ្លេីងឆេះរទេះ ខណ្ឌកំបូល។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញប្តីប្រពន្ធ២នាក់ជិះម៉ូតូសណ្តោងរ៉ឺម៉កដេីរលក់បបរគ្រឿងដោយធ្វេីដំណេីរតាមបណ្តោយផ្លូវជាតិលេខ៣ក្នុងទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែមានបុរសម្នាក់ជិះម៉ូតូហុងដាឌ្រីម ពណ៌ខ្មៅ ពាក់ស្លាកលេខភ្នំពេញ1CD-0828 ធ្វេីដំណេីរមកពីក្រោយលឿនក៏ជ្រុលទៅបុកម៉ូតូសណ្តោងរុឺម៉កលក់បបរពេញទំហឹងបណ្តាលឱ្យរ៉ឺម៉កក្រឡាប់ចាក់បបរចោលពេញផ្លូវ ចំណែកម្ចាស់ម៉ូតូបង្កហេតុរងរបួសធ្ងន់។
ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំណែករ៉ឺម៉កនិងម៉ូតូត្រូវបានសមត្ថកិច្ចធ្វេីការវាស់វែងយកទៅរក្សាទុកនៅអធិការដ្ឋាននគរបាលខណ្ឌកំបូលរង់ចាំដោះស្រាយនៅពេលក្រោយ៕
ដោយ៖ សុខាសែនជ័យ
