បណ្ដាញសង្គមរងការចោទប្រកាន់ថាបានញុះញង់ឱ្យមានកុបកម្មនៅក្នុងប្រទេសបារាំង

ចែករំលែក៖

ក្រុមហ៊ុនប្រព័ន្ធផ្សព្វផ្សាយសង្គមត្រូវបានគេរិះគន់ម្តងទៀត ដោយប្រធានាធិបតីបារាំងលោក Emmanuel Macron បាននិយាយថា Tiktok, Facebook, Snapchat និងបណ្តាញសង្គមផ្សេងទៀតបានជួយបញ្ឆេះកុបកម្មនៅក្នុងប្រទេសបារាំងក្នុងរយៈពេលប៉ុន្មានថ្ងៃថ្មីៗនេះ។
កាលពីថ្ងៃសុក្រ លោកប្រធានាធិបតី Macron បានចោទប្រកាន់បណ្តាញសង្គមថា បានដើរតួនាទីយ៉ាងសំខាន់ក្នុងការលើកទឹកចិត្តដល់អំពើហិង្សា នៅពេលដែលរដ្ឋាភិបាលកំពុងព្យាយាមកាត់បន្ថយភាពតានតឹងរវាងប្រជាជននឹងកម្លាំងប៉ូលិស។
រដ្ឋមន្ត្រីក្រសួងមហាផ្ទៃបារាំង លោក Gerald Darmanin បាននិយាយថា ប៉ូលិសបានចាប់ខ្លួនមនុស្ស ៩១៧ នាក់កាលពីថ្ងៃព្រហស្បតិ៍។ មន្ត្រីប៉ូលិសជាង300 នាក់ក៏បានរងរបួសផងដែរដែលព្យាយាមបង្ក្រាបកុបកម្មបន្ទាប់ពីការស្លាប់របស់ក្មេងជំទង់អាយុ 17 ឆ្នាំនៃជនជាតិអាហ្វ្រិកខាងជើងម្នាក់ឈ្មោះ Nahel ។
លោក Macron បាននិយាយថា រដ្ឋាភិបាលបារាំងនឹងធ្វើការជាមួយគេហទំព័រប្រព័ន្ធផ្សព្វផ្សាយសង្គមដើម្បី “លុបមាតិការសើបបំផុត” និងកំណត់អត្តសញ្ញាណអ្នកប្រើប្រាស់ដែល “អំពាវនាវឱ្យមានកុបកម្មឬធ្វើឱ្យអំពើហិង្សាកាន់តែធ្ងន់ធ្ងរ”។
មន្ត្រីបារាំងម្នាក់បាននិយាយថា ឈ្មោះ និងអាសយដ្ឋានរបស់មន្ត្រីដែលបានបាញ់ Nahel ត្រូវបានគេចែករំលែកនៅលើបណ្តាញសង្គម។ នេះអាចធ្វើអោយជីវិតរបស់បុគ្គលនោះស្ថិតក្នុងគ្រោះថ្នាក់។
នៅក្នុងសុន្ទរកថារបស់គាត់កាលពីថ្ងៃសុក្រ លោក Macron មិនបានកំណត់អត្តសញ្ញាណប្រភេទនៃខ្លឹមសារដែលគាត់ចាត់ទុកថា “រសើប” ប៉ុន្តែគាត់បាននិយាយថា គាត់រំពឹងថា “អារម្មណ៍នៃការទទួលខុសត្រូវ” ពីវេទិកាប្រព័ន្ធផ្សព្វផ្សាយសង្គម។
កិច្ចពិភាក្សារវាងអាជ្ញាធរបារាំង និងបណ្តាញទំនាក់ទំនងសង្គម រួមមាន Snapchat, Facebook និង Twitter បានចាប់ផ្តើមលុបខ្លឹមសារដែលញុះញង់ឱ្យមានអំពើហិង្សាយ៉ាងឆាប់រហ័ស។ រដ្ឋាភិបាលបារាំងក៏កំពុងជំរុញដើម្បីកំណត់អត្តសញ្ញាណអ្នកដែលញុះញង់ និងញុះញង់ឱ្យមានអំពើហិង្សាតាមអុីនធឺណេត៕ ដោយ៖ ធីរីណា