សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល ៖ អរគុណសន្តិភាព! ជយោគណបក្សប្រជាជនកម្ពុជាដ៏រុងរឿង! ប្តេជ្ញាឥតងាករេគាំទ្រសម្តេចតេជោ ហ៊ុន សែន ជានាយករដ្ឋមន្រ្តី និងគាំទ្របេក្ខភាព លោក បណ្ឌិត ហ៊ុន ម៉ាណែត ជានាយករដ្ឋមន្រ្តីនាពេលអនាគត ។ នេះជាសំឡេង ក្បួនឃោសនាបោះឆ្នោតជ្រើសតាំងតំណាងរាស្រ្តនីតិកាលទី៧ ក្នុងភូមិសាស្រ្តទូទាំង១៨ឃុំ នៃស្រុកកណ្តាលស្ទឹង ខេត្តកណ្តាល ដែលមានសមាសភាពចូលរួមប្រមាណជា១០០០នាក់ ដឹកនាំដោយ លោក កិត្តិបណ្ឌិត ហ៉ីង ប៊ុនហៀង នៅថ្ងៃអាទិត្យ ៧ រោច ខែបឋមាសាឍ ឆ្នាំថោះ បញ្ចស័ក ពុទ្ធសករាជ ២៥៦៧ត្រូវនឹងថ្ងៃទី៩ ខែកក្កដា ឆ្នាំ២០២៣ ។
អរគុណសន្តិភាព! ជយោគណបក្សប្រជាជនកម្ពុជា ដ៏រុងរឿង! ប្តេជ្ញាឥតងាករេគាំទ្រសម្តេចតេជោ ហ៊ុន សែន ជានាយករដ្ឋមន្រ្តី និងគាំទ្របេក្ខភាព លោក បណ្ឌិត ហ៊ុន ម៉ាណែត ជានាយករដ្ឋមន្រ្តីនាពេលអនាគត ។
លោក កិត្តិបណ្ឌិត ហ៉ីង ប៊ុនហៀង ប្រធានគណៈកម្មាធិការគណបក្សខុទ្ទកាល័យសម្តេចតេជោ ហ៊ុន សែន និងជាប្រធានគណៈអចិន្ត្រៃយ៍ក្រុមការងារគណបក្សប្រជាជនកម្ពុជាចុះមូលដ្ឋានស្រុកកណ្តាលស្ទឹង បានដឹកនាំក្បួនឃោសនាបោះឆ្នោតជ្រើសតាំងតំណាងរាស្រ្តនីតិកាលទី៧ ក្នុងភូមិសាស្រ្តទូទាំង១៨ឃុំ នៃស្រុកកណ្តាលស្ទឹង ខេត្តកណ្តាល ដែលមានសមាសភាពចូលរួមប្រមាណជា១០០០នាក់។ ក្នុងនោះដែរក្រុមការងារគណបក្ស និងក្រុមការងារយុវជនបក្សចុះមូលដ្ឋានឃុំទាំង១៨ ក៏បានរៀបចំក្រុមការងារតាមមណ្ឌលសកម្មភាពគណបក្សចំនួន១៦០មណ្ឌល ដើម្បីអបអរសាទរនិងឃោសនា ផ្សព្វផ្សាយបង្ហាញជូនប្រជាពលរដ្ឋអោយបានជ្រាបកាន់តែច្បាស់ថា គណបក្សប្រជាជនកម្ពុជាស្ថិតនៅលេខរៀងទី១៨ ហើយគឺជាគណបក្សតែមួយគត់ដែលបាននាំមកនូវសុខសន្តិភាពនិងការអភិវឌ្ឍន៏ជូនជាតិក្រោមការដឹកនាំប្រកបដោយភាពប៉ិនប្រសព្វពីសំណាក់សម្តេចតេជោ ហ៊ុន សែន។ ក្រុមការងារក៏បានធ្វើសកម្មភាពពន្យល់អំពីការគូសសន្លឹកឆ្នោតអោយបានត្រឹមត្រូវជូនដល់ប្រជាពលរដ្ឋទូទាំងស្រុកកណ្តាលស្ទឹងផងដែរ។
គណបក្សប្រជាជនកម្ពុជា នឹងដាក់ចេញនូវគោលនយោបាយជាអាទិភាព ចំនួន ៦ ចំណុចនៅក្នុងកម្មវិធីនយោបាយរបស់ រាជរដ្ឋាភិបាលនីតិកាលទី៧ នៃរដ្ឋសភា។
កម្មវិធីនយោបាយទី១ ផ្តល់ការថែទាំសុខភាពឆ្ពោះទៅកម្មវិធី គ្របដណ្តប់សុខភាពជាសកលដោយចាប់ផ្តើមពី ៖
១. ការផ្តល់សេវាថែទាំសុខភាពជូនគ្រួសារងាយរងហានិភ័យប្រមាណ ជាង ៤៥ម៉ឺនគួសារ ស្មើនឹងសមាជិកសរុបជាង ១,៥លាននាក់ តាមរយៈការប្រើប្រាស់មូលនិធិសមធម៌ សុខាភិបាល ។
២. ការពង្រីករបបថែទាំសុខភាពរបស់ ប.ស.ស. ទាំងសម្រាប់កម្មក និយោជិត និងសម្រាប់មន្ត្រីសាធារណៈ ដែលគ្របដណ្តប់បន្ថែម ដល់សមាជិកគ្រួសារ និងអ្នកក្នុងបន្ទុករបស់ពួកគាត់ ប្រមាណជា ៣លាននាក់ តាមគោលការណ៍ស្ម័គ្រចិត្ត។ ជាសរុប គម្រោងទាំង ពីរនេះ នឹងធ្វើឱ្យប្រជាជន ប្រមាណ ៧,៤លាននាក់ មានលទ្ធភាព ទទួលបាននូវរបបសន្តិសុខសង្គមផ្នែកសេវាថែទាំសុខភាព។
កម្មវិធីនយោបាយទី២- ការបណ្តុះបណ្តាលជំនាញវិជ្ជាជី និងបច្ចេកទេសជូនដល់ យុវជនមកពីគ្រួសារក្រីក្រ និងគ្រួសារងាយ រងហានិភ័យនៅទូទាំងប្រទេសដែលមានចំនួនប្រមាណជាង ១,៥លាននាក់ នៅតាមបណ្ដាគ្រឹះស្ថានបណ្តុះបណ្តាលវិជ្ជាជីវៈនានា របស់រដ្ឋក្នុងកម្រិតសញ្ញាបត្រ បច្ចេកទេស និងវិជ្ជាជីវៈកម្រិត១ ដោយមិនបង់ថ្លៃសិក្សា និងទទួលបាននូវប្រាក់ឧបត្ថម្ភប្រចាំខែ ។
កម្មវិធីនយោបាយទី៣ ការធ្វើស្ថាបនូបនីយកម្មកម្មវិធីជាតិ ជំនួយសង្គមសម្រាប់គ្រួសារក្រីក្រ ក្រុមជនងាយរងគ្រោះនៅក្នុង គ្រួសារក្រីក្រ និងគ្រួសារងាយរងហានិភ័យនៅក្នុងគ្រាមានវិប សេដ្ឋកិច្ច និងគ្រាមានគ្រោះអាសន្ន ដើម្បីជួយនិងផ្តល់ការគាំពារ ទាន់ពេល និងក្នុងលក្ខណៈជាប្រព័ន្ធ ទៅតាមស្ថានភាពជាក់ស្ដែ នៃវិបត្ដិ ឬគ្រោះអាសន្ន នៅតាមគ្រប់ទីតាំងភូមិសាស្ត្រទូទាំងប្រទេស។ ដែលនឹងគ្របដណ្តប់លើប្រជាជនសរុបប្រមាណ ៤,៣លាននាក់។
កម្មវិធីនយោបាយទី៤: ដាក់ចេញ និងការជំរុញអនុវត្តយុទ្ធសាស្ត្រ អភិវឌ្ឍន៍សេដ្ឋកិច្ច ក្រៅប្រព័ន្ធឱ្យមានលទ្ធភាពចូលរួមទៅក្នុងសេដ្ឋកិច្ច ក្នុងប្រព័ន្ធ និងអាចទទួលបានផលប្រយោជន៍ពីប្រព័ន្ធគាំពារសង្គមផ្លូវការ តាមរយៈ៖
១. ការផ្តល់នូវការគាំពារ និងការបង្កើតនូវបរិយាកាសអំណោយ ផលសម្រាប់ការធ្វើធុរកិច្ច និងពាណិជ្ជកម្ម ព្រមជាមួយនឹងការផ្តល់នូវ ការបណ្តុះបណ្តាលជំនាញបច្ចេកទេស និងវិជ្ជាជីវៈដល់ក្រុមហ៊ុន សហគ្រាសធុនមីក្រូតូចនិងមធ្យម ។
២. ការផ្តល់ការគាំពារសង្គមដល់បុគ្គល ស្វ័យនិយោជន៍នៅក្នុង សេដ្ឋកិច្ចក្រៅប្រព័ន្ធ ដោយផ្តោតការយកចិត្តទុកដាក់ជាបឋមលើកទ ផ្តល់សេវាថែទាំ សុខភាពនៅក្រោមមូលនិធិសមធម៌សុខាភិបាល ។
កម្មវិធីនយោបាយទី៥- ដាក់ចេញនូវយន្តការសម្របសម្រួល និងកម្មវិធីហិរញ្ញប្បទាន សំដៅលើកស្ទួយផលិតកម្ម រកទីផ្សារ និងរក្សា លំនឹងថ្លៃកសិផលសំខាន់ៗ ក្នុងកម្រិតសមរម្យ តាមរយៈការដាក់ចេញ នូវកញ្ចប់ថវិកាជាក់លាក់ ដោយចាប់ផ្តើមពីចំនួន ១០០លានដុល្លារអាមេរិក និងអាចវិភាជថវិកាបន្ថែមប្រសិនបើមានតម្រូវការចាំបាច់ដើម្បីធ្វើអន្តរាគមន៍ ឱ្យបានទាន់ពេល ក្នុងការទិញកសិផលពីប្រជាកសិករ ជាមួយនឹងគោលដៅ រក្សាស្ថិរភាពថ្លៃនៅរាល់រដូវប្រមូលផល ជាពិសេសលើផលិតផលកសិកម្ម មួយចំនួន ជាអាទិ៍ស្រូវ ស្វាយកែវរមៀត មៀនប៉ៃលិន ស្វាយចន្ទី ដំឡូង ពោត និងកសិផលផ្សេងទៀត។
កម្មវិធីនយោបាយទី៦ : ការរៀបចំចាត់បញ្ជូនមន្ត្រីបច្ចេកទេស កម្មវិធី ផ្តល់សេវាកសិកម្មឱ្យបាន គ្រប់ឃុំទាំងអស់នៅទីជនបទទូទាំងប្រទេស ដើម្បីជំរុញការលើកកម្ពស់ផលិតភាពកសិកម្ម និងជួយដល់គ្រួសា កសិករក្នុងការលើកស្ទួយផលិតផលកសិកម្មរបស់ខ្លួន ៕
ដោយ ៖ សហការី
