សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ សមត្ថកិច្ចនគរបាលខេត្តបាត់ដំបងស្វែងរកឃេីញហេីយអ្នករត់ម៉ូតូកង់បីដែលនាំបង្កឱ្យស្ត្រីជាជនជាតិបរទេសម្នាក់រងរបួសនោះ។ នេះបើយោងតាមការបញ្ជាក់ឲ្យដឹងពី អង្គភាពស្នងការដ្ឋាននគរបាលខេត្តបាត់ដំបង។
ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបងមានកិត្តិយសសូមគោរពជម្រាបជូនសាធារណជនអ្នកសារព័ត៌មាននិងអ្នកនិយមប្រើប្រាស់បណ្តាញសង្គមបានជ្រាបថា ក្រោមបទបញ្ជាយ៉ាងម៉ុឺងម៉ាត់របស់លោកឧត្តមសេនីយ៍ទោសាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង សមត្ថកិច្ចនគរបាលបានស្វែងរកបុរសដែលបេីកម៉ូតូកង់បីនាំបង្កហេតុរហូតបណ្តាលឱ្យស្ត្រីជាជនជាតិបរទេសម្នាក់រងរបួសកាលពីវេលាទៀបភ្លឺថ្ងៃទី៥ខែសីហាឆ្នាំ២០២៣ នៅក្នុងភូមិសាស្រ្តសង្កាត់អូរចារក្រុងបាត់ដំបង ខេត្តបាត់ដំបងឃេីញហេីយ ។
កិច្ចប្រតិបត្តិការស្រាវជ្រាវស្វែងរកក្នុងរយៈពេល០២ថ្ងៃនេះសមត្ថកិច្ចនគរបាល បានធ្វេីការស្រាវជ្រាវយ៉ាងសកម្មបំផុត ដោយមានការចូលរួមពីសមត្ថកិច្ចអាជ្ញាធរ ពាក់ព័ន្ធនិងជាពិសេសគឺការចូលរួមគាំទ្រនូវចំណាត់ការរបស់សមត្ថកិច្ចពីមហាជនដែលនិយមប្រេីប្រាស់បណ្តាញសង្គម ក៏ដូចសាក្សីនានាទេីបនគរបាល ទទួលបាននូវលទ្ធផលបែបនេះ។
ខណៈនេះបុរសអ្នកបេីកម៉ូតូកង់បីមានឈ្មោះ ទេព ភាឡី ភេទប្រុស អាយុ២៩ ឆ្នាំ មានទីលំនៅភូមិកម្មករ សង្កាត់ស្វាយប៉ោ ក្រុង- ខេត្តបាត់ដំបង ។
សមត្ថកិច្ចកំពុងធ្វេីការសាកសួរនៅបរិវេណស្នងការដ្ឋាននគរបាលខេត្តបាត់ដំបង រីឯព័ត៌មានលំអិតជុំវិញករណីនេះយេីងខ្ញុំសូមជម្រាបជូននៅពេលបន្ទាប់ទៀត។
ដូចបានជម្រាបជូនខាងលេីសូមសាធារណជនអ្នកសារព័ត៌មាននិងអ្នកនិយមប្រេីប្រាស់បណ្តាញសង្គម មេត្តាជ្រាបជាព័ត៌មានសូមអរគុណ ។
សូមបញ្ជាក់ថា, កន្លងទៅស្ត្រីជនជាតិបារាំង បានពឹងឲ្យមិត្តភក្កិរបស់ខ្លួនដែលគេជនជាតិខ្មែរ ជួយបង្ហោះពាក់ព័ន្ធនឹងព័ត៌មានខាងលើនេះ ដោយបញ្ជាក់យ៉ាងដូច្នេះថា, 5/8/2023 ឱបាត់ដំបងខ្ញុំ សង្ឃឹមថាអាជ្ញាធម៌នឹងយកចិត្ត ទុកដាក់គិតគូរដល់សុវត្ថិភាពជូនភ្ញៀវទេសចរណ៍ ។ថ្ងៃនេះនាងខ្ញុំ ពិតជាខ្មាសទេសចរបរទេសណាស់។
រឿងហេតុគឺមានភ្ញៀវទេសចរជនជាតិបារាំងម្នាក់បានធ្វើដំណើរពី ភ្នំពេញ មកបាត់ដំបងក្នុងគោលបំណងទេសចរណ៍។គាត់បាន ជិះឡានក្រុង ពេលយប់មកដល់បាត់ដំបងប្រហែល ម៉ោង៤ទៀបភ្លឺ ហើយ ក៏បានប្រាប់ឲ្យPassApp ដឹក គាត់មក សណ្ឋាគារ ឡាក់គី ប៉ុន្ដែនៅពេល មកដល់មុខសណ្ឋាគារហើយ PassApp មិនបានដាក់គាត់ចុះតាមគោលដៅដែលបានចរចា មុនពេលឡើងជិះទេ ទោះបីគាត់ព្យាយាមប្រាប់ឲ្យឈប់ក្ដី ក៏PassApp មិនឈប់ដែរ បែរជាព្យាយាមជិះពង្រាងគាត់ទៅផ្លូវ ស្ងាត់ដូចមានក្នុងផែនទីដែលគាត់ផ្ញើឲ្យ ។ឃើញស្ថានភាពមិន ស្រួលគាត់ក៏លោតចុះពីលើ passApp ធ្វើឲ្យមានរបួស បាក់ ម្រាមដៃនិងរបបកមុខមាត់ដូចមានរូបថតជាភស្តុតាង។ (ភ្ញៀវគាត់ សំណូមពរឲ្យខ្ញុំផ្ញើសារនេះ គ្រាន់ជាព័ត៌មានដល់ លោកអ្នកដែលមាន តួនាទីរក្សាសន្តិសុខ ក្នុងខេត្ត ដ៏ស្រស់ស្អាតមួយនេះផង)។
ក្រោយពីគណនេយ្យហ្វេសប៊ុក Sam Chhara បានបង្ហោះភ្លាម ទាំងអង្គភាពស្នងការដ្ឋាននគរបាលខេត្តបាត់ដំបង ទាំងរដ្ឋបាលខេត្តបាត់ដំបង បានយកចិត្តទុកដាក់ក្នុងករណីនេះ និងធានាស្វះស្វែងរក ជនសង្ស័យ ទីបំផុតសមត្ថកិច្ចឃាត់ខ្លួនបាត់ហើយ ៕
ដោយ ៖ សហការី
