ឃាត់ខ្លួនជនពាក់ព័ន្ធចំនួន ៩៩នាក់ ក្នុងបទល្មើសគ្រឿងញៀនចំនួន ៣៥ករណីទូទាំងប្រទេសថ្ងៃទី៩ សីហាម្សិលមិញនេះ​!

ភ្នំពេញ៖ គ្រឿងញៀនបំផ្លាញអនាគតអ្នក និងក្រុមគ្រួសារអ្នក ! ខណៈ​ជនសង្ស័យចំនួន ៩៩នាក់ (ស្រី ៥នាក់) ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ៣៥ករណី ទូទាំងប្រទេសកាលពីថ្ងៃទី៩ ខែសីហា ឆ្នាំ២០២៣ម្សិលមិញនេះ​ ។

ក្នុងចំណោមជនសង្ស័យចំនួន ៩៩នាក់ រួមមាន៖ ជួញដូរ ៧ករណី ឃាត់ ១៩នាក់ (ស្រី ១នាក់)។​ ដឹកជញ្ជូន រក្សាទុក ១២ករណី ឃាត់ ១៧នាក់ (ស្រី ០នាក់)។​ និងប្រើប្រាស់ ១៦ករណី ឃាត់ ៦៣នាក់ (ស្រី ៤នាក់)។

វត្ថុតាងដែលចាប់យកសរុបក្នុងថ្ងៃទី៩ ខែសីហា រួមមាន៖ មេតំហ្វេតាមីន ម៉ាទឹកកក​(Ice) ស្មេីនិង​ ២៨៤,២០ក្រាមនិង ៤កញ្ចប់តូច។​ និងកេតាមីន (Ke) ស្មេីនិង​ ២,០៦ក្រាម។

ក្នុងប្រតិបត្តិការនោះ​ជាលទ្ធផលខាងលើ ១២អង្គភាព បានចូលរួមបង្ក្រាប ក្នុងនោះ​កម្លាំង​នគរបាលជាតិ ៨អង្គភាព និងកម្លាំង​កងរាជអាវុធហត្ថ​ ៤អង្គភាព​ មានដូចខាងក្រោម​៖

*១ / មន្ទីរ៖ ជួញដូរ ៣ករណី ឃាត់ ៣នាក់ ប្រើប្រាស់ ៩ករណី ឃាត់ ៤២នាក់ ស្រី ៤នាក់ ចាប់យក Ice ៩៩,៧៨ក្រាម និង Ke ២,០៦ក្រាម។ 

*២ / បាត់ដំបង៖ ប្រើប្រាស់ ១ករណី ឃាត់ ១នាក់។

*៣ / កោះកុង៖ ប្រើប្រាស់ ១ករណី ឃាត់ ១នាក់។

*៤ / ក្រចេះ៖ អនុវត្តន៍ដីកា ១ករណី ចាប់ ១នាក់។

*៥ / រាជធានីភ្នំពេញ៖ ៣ករណី ឃាត់ ៧នាក់ រក្សាទុក ៧ករណី ឃាត់ ១០នាក់ ប្រើប្រាស់ ៤ករណី ឃាត់ ៧នាក់ ចាប់យក Ice ៣,៩៥ក្រាម។

*៦ / ស្វាយរៀង៖ រក្សាទុក ១ករណី ឃាត់ ១នាក់ ចាប់យក Ice ៣កញ្ចប់តូច។

*៧ / សៀមរាប៖ រក្សាទុក ១ករណី ឃាត់ ១នាក់ ប្រើប្រាស់ ១ករណី ឃាត់ ១២នាក់ ចាប់យក Ice ៣៨,៩៨ក្រាម។

*៨ / ត្បូងឃ្មុំ៖ អនុវត្តន៍ដីកា ១ករណី ចាប់ ១នាក់។

ដោយឡែកកងរាជអាវុធហត្ថ ៖ ៤អង្គភាព

*១ / កំពង់ចាម៖ រក្សាទុក ១ករណី ឃាត់ ៣នាក់ ចាប់យក Ice ០,២៨ក្រាម។

*២ / កណ្តាល៖ រក្សាទុក ១ករណី ឃាត់ ១នាក់ និងអនុវត្តន៍ដីកា ២ករណី ចាប់ ២នាក់។ចាប់យក Ice ១កញ្ចប់តូច។

*៣ / ពោធិ៍សាត់៖ រក្សាទុក ១ករណី ឃាត់ ១នាក់ ចាប់យក Ice ៣,៨៧ក្រាម។

*៤ / សៀមរាប៖ ជួញដូរ ១ករណី ឃាត់ ៩នាក់ ស្រី ១នាក់ ចាប់យក Ice ១៣៧,៣៤ក្រាម៕

ដោយ៖ សហការី​