សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម៖ នៅថ្ងៃទី១២ ខែសីហា ឆ្នាំ២០២៣ លោកឧត្ដមសេនីយ៍ត្រី សោម រស់ ស្នងការរងផែនការងារនគរបាលសណ្ដាប់ធ្នាប់ តំណាងលោកឧត្តមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាម បានអញ្ជេីញចូលរួមក្នុងកិច្ចប្រជុំ និងផ្សព្វផ្សាយច្បាប់ចរាចរណ៍ផ្លូវគោក ប្រព្រឹត្តិទៅនៅស្នាក់ការ ស.ស.យ.ក ខេត្តកំពង់ចាម ក្រោមអធិបតីភាព លោក ហាន កុសល អភិបាលរង នៃគណអភិបាលខេត្ត និងជាប្រធានសហភាពសហព័ន្ធយុវជនកម្ពុជា ខេត្តកំពង់ចាម ។
ការផ្សព្វផ្សាយច្បាប់នេះ ក្រោមប្រធានបទ ការពារជីវិតអ្នក និងអ្នកដទៃ សូមចូលរួមគោរពច្បាប់ចរាចរណ៍ទាំងអស់គ្នា ។
ដោយមានអញ្ចេីញចូលរួមពីថ្នាក់ដឹកនាំ ស.ស.យ.ក តំណាងមន្ទីរ អង្គភាពពាក់ពន្ធ័ ស្រុក-ក្រុងទាំង១០ សហគមន៍ និងគ្រឹះស្ថានសិក្សាសរុបអ្នកចូលរួម ចំនួន១០០នាក់ ស្រីចំនួន៤៤នាក់ ។ ក្នុងនោះក៏មានលើកជាសំនួរ ចម្លើយ និងបានផ្តល់ជារង្វាន់សម្រាប់អ្នកឆ្លើយសំនួរត្រូវ និងមានការចែកជូនឯកសារពាក់ព័ន្ធស្ដីពីសុវត្ថិភាពចរាចរណ៍ផ្លូវគោកមួយចំនួនទៀត ផងដែរ ។
ជាមួយគ្នានេះដែរ កម្លាំងជំនាញ នៃការិយាល័យនគរបាលចរាចរណ៍ផ្លូវគោក បានសហការជាមួយ មន្ត្រីមន្ទីរសាធារណការ និងដឹកជញ្ជូនខេត្តកំពង់ចាម ចុះផ្សព្វផ្សាយច្បាប់ ស្តីពីចរាចរណ៍ផ្លូវគោក នៅសាលាអនុវិទ្យាល័យ និង វិទ្យាល័យដីដុះ ស្ថិតក្នុងភូមិទី៣ សង្កាត់កំពង់ចាម ក្រុងកំពង់ចាម ខេត្តកំពង់ចាម ដោយមានចូលរួមមានពី លោកគ្រូ អ្នកគ្រូ ចំនួន៧០នាក់ ស្រីចំនួន៤០នាក់ និងសិស្សានុសិស្សចំនួន៦៦៦នាក់ ស្រីចំនួន៣៣០នាក់ និងមានចែកជូនចែកជូន លោកគ្រូ អ្នកគ្រូ និងសិស្សានុសិស្សនូវ សៀវភៅច្បាប់ចរាចរណ៍, សៀវភៅអ្នកបើកបរម៉ូតូត្រូវយល់ដឹងអំពីរច្បាប់ចរាចរណ៍ផ្លូវគោក, ផ្លាកសញ្ញាចរាចរណ៍,ផ្ទាំងសញ្ញាចរាចរណ៍:២០សន្លឹក, ចំណាំងផ្លាតនិងឯកសារពាក់ព័ន្ធស្ដីពីសុវត្ថិភាពចរាចរណ៍ផ្លូវគោកមួយចំនួនទៀត ៕
ដោយ ៖ សហការី
