ប្រយ័ត្នចំពោះបញ្ហាល្បែងលក់ដីខ្យល់ នៅក្នុងស្រុកយើង

ភ្នំពេញ ៖ រឿងរ៉ាវបែបនេះ កើតមានច្រើន ដូច្នេះប្រយ័ត្នចំពោះបញ្ហាល្បែងលក់ដីខ្យល់ នៅក្នុងស្រុកយើង នេះជាការស្វែងយល់ខ្លះៗ ប្រយោជន៍ខាតបង់ ខណៈគេរកសុីមិនស្មោះត្រង់ចំពោះយើង ៖

១) ម្ចាស់ដីផ្ទាល់៖

+ គាត់មានដីលក់មិនចេញ និងចង់លក់បានថ្លៃ

+ ប្រកាសលក់ទៅឲ្យអ្នកអភិវឌ្ឍន៍។

២) អ្នកអភិវឌ្ឍន័ (ម្ចាស់បុរី)៖

+ ចង់ធ្វើការវិនិយោគសាងសង់បុរី

+ ប៉ុន្តែគ្មានដី និងទុនស្មើនឹងតម្លៃដីទាំងមូលដែលសមនឹងទំហំសង់បុរីបាន (ឧទាហរណ៍៖ គាត់ចង់សង់បុរីមួយមានទំហំដី 10 ហិចតា តម្លៃ 1 លាន គាត់មានទុនតែ 10% ត្រូវនឹង 10មុឺន)

+ គាត់ចាប់ផ្តើមទៅចរចារជាមួយនឹងម្ចាស់ដី ដើម្បីលក់ដីឲ្យគាត់ ដោយកក់មុន 10% សិន ហើយចុះកិច្ចសន្យាបង់សងចំនួន ៣ឆ្នាំ ផ្តាច់ យកប្លង់មកធ្វើជាកម្មសិទ្ធរបស់ខ្លួន និងបានយកមករត់ការយកប្លង់មកបំបែកក្បាលដីជូនអតិជនដែលមកទិញដីនិងផ្ទះ ក្នុងបុរី ជាដំណា់ក់ៗ ។

+ ដើម្បីកុំឲ្យអតិថិជនទិញដី+ផ្ទះហើយមិនបានប្លង់និងកម្មសិទ្ធិជាម្ចាស់ នៅក្នុងកិច្ចសន្យា 8ខែ ឬ 12 ខែ នៅពេលប្រគល់ដីនិងផ្ទះ អ្នកអភិវឌ្ឍន័បានចងកិច្ចសន្យាជាម្ចាស់ដីនិងប្លង់ឲ្យជាដំណាក់ៗមកឲ្យខ្លួនតាមទឹកលុយបង់ឲ្យក្នុងមួយឆ្នាំៗ ដើម្បីយកប្លង់នោះមកកាត់ឲ្យអតិថិជន។

៣) ក្នុងករណី អ្នកអភិវឌ្ឍន៍ ធ្វើទៅមិនជោគជ័យ ដោយលក់ដីនិងផ្ទះ ឬ ដីសុទ្ធមិនដាច់ស្របតាមផែនការ គ្មានលុយបង់ទាន់ពេលជូនម្ចាស់ដី ស្របតាមលក្ខខណ្ឌកិច្ចសន្យារវាងអ្នកទាំងពីរភាគី ពេលនោះមានអ្វីកើតឡើង៖

+ ម្ចាស់ដីបង្កកការអនុវត្តកិច្ចសន្យា និងប្តឹងតុលាការចេញដីការរក្សាការពាររឺបអូសយកដីវិញ និងបញ្ឈប់ការអភិវឌ្ឍ។

+ អតិថិជន ដល់កិច្ចសន្យាទទួលដីនិងផ្ទះ ឬដី និងមកទទួលប្លង់ម្ចាស់កម្មសិទ្ធិលើអចលនទ្រព្យនេះ តែអត់បានដូចបំណង និងខាតបង់ ជំពាក់ធនាគារ រងគ្រោះបាត់បង់ទ្រព្យសន្សំ។

+ អ្នកអភិវឌ្ឍន៍ចាប់ផ្តើមរឿងពីរ ជាប់គាំងមិនអាចអភិវឌ្ឍន៍គម្រោងបុរីបន្ត ហើយមិនអាចផ្តល់ដីនិងផ្ទះ ឬដី ឲ្យទៅអតិថិជនស្របច្បាប់ និងវេចបង្វេចរត់ពួន រកមេធាវីតំណាងចេញមកអង្វរឬសម្លុតអតិថិជន ដើម្បីបង្វែរបន្ទុក។

បុព្វហេតុទាំងនេះហើយ ដែលនាំឲ្យ ដីនិងផ្ទះ ឬ ដី ឬអចលនទ្រព្យទាំងនោះ ក្លាយជាខ្យល់នោះ។

ចឹងសូមអាជ្ញាធរមានសមត្ថកិច្ច មេត្តាពិនិត្យឲ្យបានម៉ត់ចត់ និងលឿនបំផុត ដើម្បីដោះស្រាយបញ្ហានេះ ដែលវាកើតមកយូរមកហើយនិងផ្តល់ហានីភ័យដល់បងប្អូនប្រជារាស្រ្តយើងរួចទៅហើយ។

បញ្ជាក់៖ បញ្ហានេះមិនសំដៅលើអ្នកអភិវឌ្ឍន៍ណាដែលគេធ្វើបានស្របតាមផែនការនិងច្បាប់នោះទេ៕

ដោយ ៖ សហការី