សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តម៉ាកស្តារិចស៊ីញ៉ូបត់ឆ្វេងបំណងឆ្លងផ្លូវស្រាប់តែមានរថយន្តស៊ីណាមកពីក្រោយលឿនចាប់ហ្វ្រាំងមិនជាប់ក៏ជ្រុលបុកបណ្តាលឱ្យរងការខូចខាតទាំងសងខាង។
ហេតុការណ៍នេះបានកេីតឡេីងកាលពីវេលាម៉ោង១១និង៣០នាទីព្រឹក ៩ខែកញ្ញា ឆ្នាំ២០២៣ នៅចំណុចមុខអាកាសយាន្តដ្ឋានអន្តរាជាតិភ្នំពេញ តាមបណ្តោយមហាវិថីសហព័ន្ធរុស្ស៊ី ក្នុងសង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកស្តារិចពណ៌ស ពាក់ស្លាកលេខភ្នំពេញ2BB 6442 ធ្វេីដំណេីរតាមបណ្តោយមហាវិថីសហព័ន្ធរុស្ស៊ី ក្នុងទិសដៅពីលិចទៅកេីតខណៈមកដល់ចំណុចកេីតហេតុកីស៊ីញ៉ូបត់ឆ្វេងបំណងឆ្លងផ្លូវភ្លាមនោះស្រាប់តែមានរថយន្តស៊ីណា ពណ៌ស្ក ពាក់ស្លាកលេខកំពង់ធំ2A 9596 ធ្វេីដំណេីរមកពីក្រោយលឿនចាប់ហ្វ្រាំងមិនជាប់ក៏ជ្រុលបុកពីចំហៀងកង់ខាងឆ្វេងបណ្តាលឱ្យរងការខូចខាតតែមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុសម្របសម្រួលដោយភាគីទាំងសងខាងព្រមយកទៅជួសជុលរៀងខ្លួន៕
ដោយ៖ សុខាសែនជ័យ
