សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អគ្គស្នងការដ្ឋាននគរបាលជាតិ នៅព្រឹកថ្ងៃពុធទី១៣ ខែកញ្ញា ឆ្នាំ២០២៣ បានឱ្យដឹងថា ជនសង្ស័យចំនួន ៧៥នាក់ ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាបបទល្មើសគ្រឿងញៀនចំនួន ២៧ករណី ទូទាំងប្រទេសកាលពីថ្ងៃទី១២ ខែកញ្ញាម្សិលមិញនេះ ។ ដូច្នេះសូមជៀសឱ្យឆ្ងាយពីគ្រឿងញៀន ព្រោះគ្រឿងញៀនបំផ្លាញអនាគតអ្នក និងក្រុមគ្រួសារអ្នក !
ក្នុងចំណោមជនសង្ស័យចំនួន ៧៥នាក់ រួមមាន៖ ជួញដូរ ៤ករណី ឃាត់ ៦នាក់ (ស្រី ០នាក់) ,ដឹកជញ្ជូន រក្សាទុក ១២ករណី ឃាត់ ២១នាក់ (ស្រី ០នាក់) និងប្រើប្រាស់ ១១ករណី ឃាត់ ៤៨នាក់ (ស្រី ៤នាក់) ។
វត្ថុតាងដែលចាប់យកសរុបក្នុងថ្ងៃទី១២ ខែកញ្ញា រួមមាន៖ មេតំហ្វេតាមីន ម៉ាទឹកកក(Ice) ស្មេីនិង ២៤,៤១ក្រាម និង៤កញ្ចប់តូច និងកេតាមីន(Ke) ស្មេីនិង ៤៤១,០ក្រាម ។
ក្នុងប្រតិបត្តិការនោះជាលទ្ធផលខាងលើ ១៣អង្គភាព បានចូលរួមបង្ក្រាបក្នុងនោះ កម្លាំងនគរបាលជាតិ ១១អង្គភាព និងកម្លាំងកងរាជអាវុធហត្ថ ២អង្គភាព មានដូចខាងក្រោម៖
*១ / មន្ទីរ៖ ជួញដូរ ២ករណី ឃាត់ ៤នាក់ ប្រើប្រាស់ ៥ករណី ឃាត់ ២៧នាក់ ចាប់យកIce ៥,២៨ក្រាម និងKe ៤៤១,០ក្រាម។
*២ / បន្ទាយមានជ័យ៖ រក្សាទុក ១ករណី ២នាក់។
*៣ / បាត់ដំបង៖ រក្សាទុក ២ករណី ឃាត់ ៣នាក់ ប្រើប្រាស់ ២ករណី ឃាត់ ២នាក់ ចាប់យកIce ៤,១៤ក្រាម។
*៤ / កំពង់ចាម៖ រក្សាទុក ១ករណី ឃាត់ ១នាក់ ចាប់យកIce ២,៥៧ក្រាម។
*៥ / កំពង់ស្ពឺ៖ រក្សាទុក ១ករណី ឃាត់ ២នាក់ ចាប់យកIce ១,៦៣ក្រាម។
*៦ / កំពត៖ រក្សាទុក ៣ករណី ឃាត់ ៣នាក់ ចាប់យកIce ២,៩៥ក្រាម។
*៧ / កណ្តាល៖ រក្សាទុក ១ករណី ឃាត់ ២នាក់ ចាប់យកIce ០,១៣ក្រាម។
*៨ / រាជធានីភ្នំពេញ៖ ជួញដូរ ២ករណី ឃាត់ ២នាក់ រក្សាទុក ១ករណី ឃាត់ ៣នាក់ ប្រើប្រាស់ ៣ករណី ឃាត់ ៥នាក់ ចាប់យកIce ៥,២៦ក្រាម។
*៩ / ពោធិ៍សាត់៖ រក្សាទុក ១ករណី ឃាត់ ៣នាក់ ចាប់យកIce ០,៣៥ក្រាម។
*១០ / សៀមរាប៖ ប្រើប្រាស់ ១ករណី ឃាត់ ១៤នាក់ ស្រី ៤នាក់ និងអនុវត្តន៍ដីកា ២ករណី ចាប់ ២នាក់។
*១១ / ក្រចេះ៖ រក្សាទុក ១ករណី ឃាត់ ១នាក់ ចាប់យកIce ៤កញ្ចប់តូច។
ដោយឡែកកងរាជអាវុធហត្ថ ៖ ២អង្គភាព
*១ / កំពង់ចាម៖ រក្សាទុក ១ករណី ឃាត់ ២នាក់ ចាប់យកIce ១,១០ក្រាម។
*២ / រាជធានីភ្នំពេញ៖ រក្សាទុក ១ករណី ឃាត់ ៣នាក់ ចាប់យកIce ១,៣៥ក្រាម៕
ដោយ៖ សហការី
