សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ ក្រុមការងារតាមដានព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តតាកែវ នៅព្រឹកថ្ងៃព្រហស្បតិ៍ទី១៤ ខែកញ្ញា ឆ្នាំ២០២៣នេះ មានកិត្តិយស សូមជម្រាបជូនសារធារណៈជនជ្រាបថា ៖ លទ្ធផលការស្រាវជ្រាវបង្ក្រាបករណីក្មេងទំនើងបង្កហិង្សា តាមបណ្តោយផ្លូវជាតិលេខ២ ស្ថិតក្នុងភូមិស្មៅខ្ញី ឃុំត្រពាំងសាប ស្រុកបាទី (ខាងត្បូងផ្សារសំរោងយ៉ោង) កាលពីយប់ថ្ងៃទី០៩ ខែកញ្ញា ឆ្នាំ២០២៣ថ្មីៗនេះ។
ដោយមានការដឹកនាំបញ្ជារបស់លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ និងមានការសម្របសម្រួលនីតិវិធី ពីសំណាក់លោក ព្រះរាជអាជ្ញា អមសាលាដំបូងខេត្តតាកែវ កម្លាំងផែននគរបាលយុត្តិធម៌ សហការជាមួយអធិការដ្ឋាននគរបាលស្រុកបាទី និងបណ្តាស្រុកពាក់ព័ន្ធ ចុះធ្វើការស្រាវជ្រាវ កំណត់មុខសញ្ញាបានចំនួន ១៥នាក់ ក្នុងចំណោមបក្ខពួកទាំង២ក្រុម ឃាត់ខ្លួនបានចំនួន ០៥នាក់។
យោងតាមរបាយការណ៍របស់ស្នងការដ្ឋាននគរបាលខេត្ត បានឱ្យដឹងថា កាលពីថ្ងៃទី១១ ខែកញ្ញា ឆ្នាំ២០២៣ វេលាម៉ោង១៤ និង៣០នាទី កម្លាំងជំនាញឃាត់ខ្លួនបានចំនួន ០៤នាក់ ក្នុងចំណោមបក្ខពួកចំនួន ១១នាក់ រួមមាន ៖ ១-ឈ្មោះ សេន ចាន់ដារ៉ា ហៅពូជ ភេទប្រុស អាយុ២២ឆ្នាំ នៅភូមិដើមក្រាយ ឃុំត្រពាំងសាប ស្រុកបាទី ខេត្តតាកែវ មុខរបរកម្មកររោងចក្រ(ឃាត់ខ្លួន) ២-ឈ្មោះ ឆាន ធាន ភេទប្រុស អាយុ១៨ឆ្នាំ នៅភូមិដើមក្រាយ ឃុំត្រពាំងសាប ស្រុកបាទី ខេត្តតាកែវ មុខរបរកម្មកររោងចក្រ(ឃាត់ខ្លួន) ៣-ឈ្មោះ វ៉ាន់ រ៉ានុត ហៅ យូ ភេទប្រុស អាយុ១៨ឆ្នាំ នៅភូមិភ្នំតូច ឃុំសូរភី ស្រុកបាទី ខេត្តតាកែវ(ឃាត់ខ្លួន) ៤-ឈ្មោះ នួន ពៅ ភេទប្រុស អាយុ១៩ឆ្នាំ នៅភូមិត្រពាំងទឹម ឃុំត្រពាំងសាប ស្រុកបាទី ខេត្តតាកែវ(ឃាត់ខ្លួន) ៥-ឈ្មោះ សឿន គីមហាក់ ភេទប្រុស អាយុ២៤ ឆ្នាំ នៅភូមិខ្នារទង់ ឃុំកុមារាជា ស្រុកបាទី ខេត្តតាកែវ (គេចខ្លួន) ៦-ឈ្មោះ បូរ ចិត្រា ហៅ ពូន ភេទប្រុស អាយុ១៩ ឆ្នាំ នៅភូមិភូមិត្រពាំងទឹម ឃុំត្រពាំងសាប ស្រុកបាទី ខេត្តតាកែវ (គេចខ្លួន) ៧-ឈ្មោះ គឹម សុគន្ធ ហៅ គុណ ភេទប្រុស អាយុ១៩ ឆ្នាំ នៅភូមិភូមិដើមក្រាយ ឃុំត្រពាំងសាប ស្រុកបាទី ខេត្តតាកែវ (គេចខ្លួន) ៨-ឈ្មោះ អូន មាក់ ភេទប្រុស អាយុ១៩ ឆ្នាំ នៅភូមិភូមិដើមក្រាយ ឃុំត្រពាំងសាប ស្រុកបាទី ខេត្តតាកែវ (គេចខ្លួន) ៩-ឈ្មោះ ឆេន វីត ភេទប្រុស អាយុ១៦ ឆ្នាំ នៅភូមិភូមិដើមក្រាយ ឃុំត្រពាំងសាប ស្រុកបាទី ខេត្តតាកែវ (គេចខ្លួន) ១០-ឈ្មោះ ទិត្យ សម្បត្តិ ហៅ ក្លូ ភេទប្រុស អាយុ២០ ឆ្នាំ នៅភូមិភូមិតស៊ូ ឃុំត្រពាំងសាប ស្រុកបាទី ខេត្តតាកែវ (គេចខ្លួន) ១១-ឈ្មោះ គឺ ថៃ ភេទប្រុស អាយុ២១ ឆ្នាំ នៅភូមិភូមិត្រពាំងទឹម ឃុំត្រពាំងសាប ស្រុកបាទី ខេត្តតាកែវ (គេចខ្លួន)។
លុះនៅរសៀលថ្ងៃទី១៣ ខែកញ្ញា ឆ្នាំ២០២៣ម្សិលមិញនេះ កម្លាំងជំនាញឃាត់ខ្លួនបាន ០១នាក់ ក្នុងចំណោមបក្ខពួកចំនួន ០៤នាក់ ១-ឈ្មោះ ង៉ែត សារ៉ាក់ ហៅ កាក់ ភេទប្រុស អាយុ១៦ ឆ្នាំ នៅភូមិហនុមាន ឃុំកណ្ដឹង ស្រុកបាទី ខេត្តតាកែវ (ឃាត់ខ្លួន) ២-ឈ្មោះ ថេង រិទ្ធិស័ក្ត ហៅ ទ្រើក ភេទប្រុស អាយុ ២០ឆ្នាំ នៅភូមិឪភាសាំង ឃុំកណ្ដឹង ស្រុកបាទី ខេត្តតាកែវ( គេចខ្លួន ) ៣-ឈ្មោះ គីម វិច្ចិកា ហៅ កុង ភេទប្រុស អាយុ១៩ ឆ្នាំ នៅភូមិឪភាសាំង ឃុំកណ្ដឹង ស្រុកបាទី ខេត្តតាកែវ( គេចខ្លួន ) ៤-ឈ្មោះ ខន តុលា ហៅ ឡា ភេទប្រុស អាយុ២០ ឆ្នាំ នៅភូមិឪភាសាំង ឃុំកណ្ដឹង ស្រុកបាទី ខេត្តតាកែវ (គេចខ្លួន)។
សូមបញ្ជាក់ថា នៅក្នុងខណៈក្រុមក្មេងទំនើងទាំង២ក្រុម ធ្វើសកម្មភាពដេញវាយ និងគប់គ្នានោះ ក៏បណ្តាលឲ្យត្រូវ រថយន្តម៉ាក MG ពណ៌ស មួយគ្រឿង បែកកញ្ចក់រថយន្តចំហៀងខាងឆ្វេង ដែលជិះឆ្លងកាត់តាមដងផ្លូវជាតិលេខ២ ក្នុងទិសដៅពីត្បូងទៅជើងដល់កន្លែងកើតហេតុ ជនរងគ្រោះបានដាក់ពាក្យបណ្ដឹងនៅអយ្យការអមសាលាដំបូងខេត្តតាកែវរួច។
បច្ចុប្បន្នជនសង្ស័យជាក្មេងទំនើងទាំង៥នាក់ នៅព្រឹកថ្ងៃទី១៤ ខែកញ្ញានេះ កម្លាំងជំនាញកំពុងធ្វើការសាកសួរ ដើម្បីកសាងសំណុំរឿងតាមនីតិវិធី។ ចំពោះមុខសញ្ញាដែលរត់គេចខ្លួន កំពុងស្នើសុំចេញដីកាបញ្ជាឲ្យចូលខ្លួន ដើម្បីផ្តន្ទាទោសតាមច្បាប់៕
ដោយ៖ សហការី
