សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ត្រូវបានកម្លាំងសមត្ថកិច្ចធ្វើការឃាត់ខ្លួនយកទៅសួរនាំដោយសង្ស័យជាប់ពាក់ព័ន្ធករណីហិង្សាបណ្តាលឱ្យបុរសម្នាក់រងរបួសធ្ងន់ កាលពីវេលាម៉ោង៩និង៣០នាទីយប់ថ្ងៃទី១៤ ខែកញ្ញាឆ្នាំ២០២៣ នៅក្នុងហាងមួយកន្លែងត្រង់ចំណុចមុខហាងឫស្សីផ្អែម ក្នុងសង្កាត់ព្រៃស ខណ្ឌដង្កោ រាជធានីភ្នំពេញ។
តាមប្រភពព័ត៌មានមួយបានបង្ហេីបឱ្យដឹងថា ទីតាំងខាងលេីមានអំពេីហិង្សាវាយគ្នាបណ្តាលឱ្យបុរសម្នាក់រងរបួសបែកក្បាលត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ។
តែបេីតាមការបង្ហេីបមួយទៀតបានឱ្យដឹងថា ជនរងគ្រោះខាងលេីខណៈស្រវឹងបានឡេីងទៅតអំពូលភ្លើងនៅខាងលេីដំបូលហាងតែមិនប្រយ័ត្នក៏ធ្លាក់ចុះមកក្រោមបណ្តាលឱ្យរងរបួសបែកក្បាលតែម្តង។
ក្រោយពីទទួលបានព័ត៌មាននេះភ្លាមកម្លាំងសមត្ថកិច្ចនិងកងរាជអាវុធហត្ថខណ្ឌដង្កោបានចុះមកដល់កន្លែងកើតហេតុ ដើម្បីសាកសួរនិងពិនិត្យជាក់ស្ដែង ។ ក្នុងហេតុការណ៍ខាងលេីនេះផងដែរសមត្ថកិច្ចបានធ្វេីការឃាត់ខ្លួនបុរសម្នាក់យកទៅសួរនាំជុំវិញករណីខាងលេី។
ទោះជាយ៉ាងណាពាក់ព័ន្ធរឿងហេតុខាងលេីនៅមិនទាន់មានការបញ្ជាក់ពីសមត្ថកិច្ចថាជារឿងអ្វីឱ្យពិតប្រាកដនៅឡេីយទេ៕
ដោយ៖ សុខាសែនជ័យ
