សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ ដោយអនុវត្តតាមបទបញ្ជាដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង កម្លាំងការិយាល័យប្រឆាំងបទល្មើសសេដ្ឋកិច្ច សហការជាមួយកម្លាំងអធិការដ្ឋាននគរបាលស្រុកមោងឫស្សី ដឹកនាំដោយលោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី នៅថ្ងៃទី២០ ខែកញ្ញា ឆ្នាំ២០២៣ បានចុះបង្រ្កាបបទល្មើ ជលផលនៅលំហរបឹងទន្លេសាប ០២លើក នៅចំណុចសាស្រ្តស្រុកមោងឫស្សី ខេត្តបាត់ដំបង និងមានចូលរួមកម្លាំងចំរុះសរុបចំនួន ១៦នាក់។
ក្នុងប្រតិបត្តិការនោះសមត្ថកិច្ចបានប្រើប្រាស់សម្ភារៈក្នុងកិច្ចប្រតិបត្តិការនេះរួមមាន កាណូតចំនួន ០៥គ្រឿង។
*ប្រតិបត្តិការទី១ នៅចំណុចអូកេះស្ថិតក្នុងភូមិដូនទ្រី ឃុំជ្រៃ ស្រុកមោងឫស្សី ខេត្តបាត់ដំបង ជាលទ្ធផលសមត្ថកិច្ចបង្ក្រាបបាន៖
– របាំងសាច់អួនប្រវែង ២៥០ម៉ែត្រ
– បង្គោលចំនួន ៥០ដើម
– ឡុកចាប់ត្រីចំនួន ០១គ្រឿង ។
*ប្រតិបត្តិការទី២ នៅចំណុចកោះទឹកឃ្មុំ ស្ថិតក្នុងភូមិដូនទ្រី ឃុំជ្រៃ ស្រុកមោងឫស្សី ខេត្តបាត់ដំបង លទ្ធផលសមត្ថកិច្ចបង្ក្រាបបាន៖
– របាំងសាច់អួនប្រវែង ៦៥០ម៉ែត្រ
– បង្គោលចំនួន ៧០ដើម
– ឡុកចាប់ត្រីចំនួន ០១គ្រឿង
-ប្រលែងកូនត្រីចំម្រុះចំនួន ៣០គីឡូ ។
គួរបញ្ជាក់ថា ចំពោះករណីខាងលើនេះ រាល់វត្ថុតាងដែលបង្ក្រាបបានសមត្ថកិច្ចកាប់បំផ្លាញ និងដុតកម្ទេចចោលនៅនឹងកន្លែង ដោយឡែកជនល្មើសបានរត់គេចខ្លួនមុនពេលសមត្ថកិច្ចចុះអន្តរាគមន៍៕
ដោយ៖សហការី
