សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ អគ្គិភ័យបានឆាបឆេះផ្ទះប្រជាពលរដ្ឋមួយកន្លែងយ៉ាងសន្ធោសន្ធៅ ដែលផ្ដេីមពីការផ្ទុះតង់ស្យុងម៉ាសុីនសម្ងួត កាលពីវេលាម៉ោង១៩និង២០នាទីយប់ ថ្ងៃទី២០ ខែកញ្ញា ឆ្នាំ២០២៣ ស្ថិតនៅចំណុចផ្ទះលេខផ្ទះ៤៨៤ ផ្លូវ១៨MC ភូមិព្រែកទាល់ ក្រុមទី៦ សង្កាត់បឹងទំពុន១ ខណ្ឌមានជ័យ រាជធានីភ្នំពេញ។
ម្ចាស់ទីតាំងឈ្មោះ ទៀង ប៊ុនធឿន ភេទប្រុស អាយុ៦៥ឆ្នាំ មុខរបរជាងជួសជុលឧបករណ៍អគ្គិសនី ។
តាមប្រភពព័ត៌មានបានឱ្យដឹងថា នៅមុនពេលកេីតហេតុ គេបានឃេីញមានផ្សែងហុយចេញពីម៉ាសុីនតង់ស្យុងសម្ងួតត្រង់ស្វូ។ បន្ទាប់មកក៏ផ្ទុះលេចចេញជាអណ្ដាតភ្លេីងឆាបឆេះយ៉ាងសន្ធោសន្ធៅបង្កការភ្ញាក់ផ្អេីលដល់សមត្ថកិច្ចមូលដ្ឋាន បានរាយការណ៍ទៅខាងការិយាល័យសង្គ្រោះអគ្គិភ័យឱ្យចុះជួយអន្តរាគមន៍បាញ់ទឹកពន្លត់ភ្លាមៗ ។
ប្រភពបានបន្តថា ក្នុងករណីអគ្គិភ័យខាងលេីនេះ មានរថយន្តពន្លត់អគ្គិភ័យទៅដល់២គ្រឿងបានប្រេីប្រាស់ទឹកអស់ចំនួន០១គ្រឿង ស្មើនឹង០៦ម៉ែត្រគូប ។
លោកវរសេនីយ៍ឯក ព្រហ្ម យ៉ន បានបញ្ជាក់ថា ចំពោះករណីគ្រោះអគ្គិភ័យខាងលើនេះ មូលហេតុមកពីការផ្ទុះតង់ស្យុងម៉ាសុីនសម្ងួតត្រង់ស្វូ ហើយទំហំនៃការខូចខាត គឺផ្ទះប្រភេទសំណង់ថ្មបេតុង ទំហំ ៤ម៉ែត្រ X ១៦ម៉ែត្រ សំយាបមុខផ្ទះ (៤ម៉ែត្រ×៩ម៉ែត្រ) ម៉ាសុីនត្រង់ស្វូចំនួន១គ្រឿង ម៉ាសុីនភ្លើង១គ្រឿង ឧបករណ៍មួយចំនួនតូច និងពុំបានឆេះរាលដាលដល់អ្នកក្បែរខាងឡើយ ។
ក្នុងហេតុការណ៍ខាងលេីនេះផងដែរមិនបណ្ដាលឱ្យនរណាម្នាក់រងរបួសនោះទេ ដោយពន្លត់ចប់នៅម៉ោង ១៩និង៥០នាទី នាថ្ងៃខែ ឆ្នាំដដែល ៕
ដោយ ៖ ភារ៉ា ដង្កោ
