សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី១២ ខែតុលា ឆ្នាំ២០២៣ លោក សុខ ឥសាន បរិយាយ ពីនេះពីនោះពាក់ព័ន្ធកម្ពុជា ដោយលើកយកចំណុចសំខាន់ៗ ចំនួន ១០ដូចខាងក្រោម ៖
១- ទើបប្រកាសចងសម្ព័ន្ធភាពជាមួយគ្នាក្តៅៗ = មានទស្សនៈផ្ទុយគ្នាទៅហើយ?
២- ភ្លើងទៀន បូកសិទ្ធិមនុស្ស = បក្សសាងគ្រោះជាតិ ចាញ់ឆ្នោត បានតែ៥៥មិនគ្រប់៦៣កៅអី។
៣- សាងគ្រោះជាតិបែកបាក់ = មកនៅភ្លើងទៀន ចាញ់ដដែល?
៤- គឹម សួភីរិទ្ធ ក្រហ៊ុបមាត់ហើយ = ទម្រាំដល់៥ឆ្នាំទៅមុខទៀត បែបលែងបានក្រហ៊ុបហើយ?
៥- ជាង២ពាន់នាក់មកទទួលស្វាគមន៍សម្តេចធិបតី ហ៊ុន ម៉ាណែត = បើតែម្នាក់ជាអ្នកចេញលុយជួលសណ្ឋាគារជាការធ្ងន់ធ្ងរ តែបើចេញលុយរៀងខ្លួន ជារឿងធម្មតាមិនមានបញ្ហាធ្ងន់ធ្ងរអីទេ?
៦- ផលកសិកម្ម បើជោរជន់តម្លៃនឹងចុះថោក = តែបើកសិផលក្រខ្សត់ តម្លៃនឹងឡើងថ្លៃ ជាស្វ័យប្រវត្តិ?
៧- ចង់ឲ្យកសិផលមានតម្លៃស្ថិរភាព = លុះត្រាតែមានទីផ្សារនាំចេញទៅបរទេសឬមានកិច្ចសន្យាជាមួយវិនិយោគិនបរទេសបោះទុន ជួយបច្ចេកទេសដាំដុះ និងរក្សាគុណភាពផលិតផលឲ្យមានស្តង់ដាត្រូវការរបស់ទីផ្សារ។
៨- គ្រាន់តែមាននិស្សិតខ្មែរជាប់នៅអ៊ីស្ត្រាអែល = ទណ្ឌិតក្បត់ជាតិឆ្លៀតឱកាសប្រមូលលុយភ្លាម ដោយយកឡេះថាដើម្បីទិញសំបុត្រយន្តហោះដឹកនិស្សិតទាំងនោះមកស្រុកវិញ?
៩- ហានីភ័យពីកូវីដ១៩និងសង្គ្រាមគ្រោះថ្នាក់ដូចគ្នា = តែការដោះស្រាយបញ្ហាត្រូវតែផ្សារភ្ជាប់នឹងសភាពការណ៍ជាក់ស្តែង។
១០- ទណ្ឌិតក្បត់ជាតិប្រៀបបាននឹងរុយរោមអាចម៍ = កន្លែងណាអាចឆ្លៀតបាន វាឆ្លៀតភ្លាមដោយមិនចេះអៀនខ្មាស់ ៕
ដោយ ៖ សហការី
