សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ យោងតាមការបញ្ជាក់ពីលោក អ៊ុច អ៊ុំភីនីហ្សារ៉ា ប្រធានមន្ទីរទេសចរណ៍ខេត្តបាត់ដំបង បានឱ្យដឹងថា ភ្ញៀវទេសចរជាតិ និងអន្តរជាតិ បានចូលមកកម្សាន្តតាមតំបន់រមណីយដ្ឋាន និងតំបន់អេកូទេសចរណ៍នានាក្នុងខេត្តបាត់ដំបង រយៈពេល ៣ថ្ងៃ នៃពិធីបុណ្យភ្ជុំបិណ្ឌដែលជាប្រពៃណីជាតិខ្មែរ សរុបប្រមាណជាង ២០ម៉ឺននាក់ ដែលមានការកើនឡើង, នេះបើប្រៀបធៀបទៅនិងឆ្នាំកន្លងមក។
លោលប្រធានមន្ទីរទេសចរណ៍ខេត្តរូបនេះ បានគូសបញ្ជាក់ថា កាលពីថ្ងៃទី១ នៃពិធីបុណ្យភ្ជុំបិណ្ឌ ត្រូវនឹងថ្ងៃទី១៣ ខែតុលា ឆ្នាំ២០២៣ ចំនួនភ្ញៀវទេសចរសរុបមានចំនួន ៥៩,៣៥៩ នាក់ ថយចុះ ២៧.៤៩ % បើប្រៀបធៀបនឹងរយៈពេលដូចគ្នាក្នុងឆ្នាំ២០២២ ដែលមានចំនួន ៨១,៨៦៨នាក់ ក្នុងនោះចំនួនភ្ញៀវទេសចរជាតិមានចំនួន ៥៩,២០៨នាក់ ថយចុះ ២៧.៥៨ % បើប្រៀបធៀបនឹងរយៈពេលដូចគ្នា ឆ្នាំ២០២២ មានចំនួន ៨១,៧៥៧នាក់ ចំនួនភ្ញៀវទេសចរបរទេស មានចំនួន ១៥១នាក់ កើនឡើង ៣៦.០៤% បើប្រៀបធៀបនឹងរយៈពេលដូចគ្នាឆ្នាំ២០២២ ដែលមានចំនួន ១១១នាក់ ដោយសារតែមានបញ្ហាប្រឈមមួយចំនួនតាមតំបន់គោលដៅនៅជាប់មាត់ស្ទឹងមួយចំនួនលិចទឹក មិនអំណោយផលដល់ភ្ញៀវលេងទឹកកម្សាន្ត និងផ្លូវទៅកាន់រមណីយដ្ឋានមួយចំនួនខូចខាតដែលបណ្ដាលមកពីទឹកជំនន់កន្លងមក។
លុះនៅថ្ងៃទី២ ត្រូវនឹងថ្ងៃទី១៤ ខែតុលា ឆ្នាំ២០២៣ ចំនួនភ្ញៀវទេសចរសរុបមានចំនួន ៧២,៣៦៨នាក់ កើនឡើង ១៣.៤៣ % បើប្រៀបធៀបនឹងរយៈពេលដូចគ្នាឆ្នាំ២០២២ មានចំនួន ៦៣,៧៩៨នាក់ ក្នុងនោះ ភ្ញៀវទេសចរជាតិមានចំនួន ៧២,២១១នាក់ កើនឡើង ១៣.៣២ % បើប្រៀបធៀបនឹងរយៈពេលដូចគ្នា ឆ្នាំ២០២២ មានចំនួន ៦៣,៧២៣នាក់ ចំនួនភ្ញៀវទេសចរបរទេស មានចំនួន ១៥៧នាក់ កើនឡើង ១០៩.៣៣% បើប្រៀបធៀបនឹងរយៈពេលដូចគ្នាឆ្នាំ២០២២ មានចំនួន ៧៥នាក់។
ដោយឡែកនៅថ្ងៃទី៣ ដែលជាថ្ងៃចុងក្រោយ ត្រូវនឹងថ្ងៃទី១៥ ខែតុលា ឆ្នាំ២០២៣ ចំនួនភ្ញៀវទេសចរសរុបមានចំនួន ៨១,០៥៩នាក់ កើនឡើង ២៥.៧៦ % បើប្រៀបធៀបនឹងរយៈពេលដូចគ្នាឆ្នាំ២០២២ មានចំនួន ៦៤,៤៥៥នាក់ ក្នុងនោះ ចំនួនភ្ញៀវទេសចរជាតិមានចំនួន ៨០,៩១០នាក់ កើនឡើង ២៥.៨៦ % បើប្រៀបធៀបនឹងរយៈពេលដូចគ្នា ឆ្នាំ២០២២ មានចំនួន ៦៤,២៨៤នាក់ ចំនួនភ្ញៀវទេសចរបរទេស មានចំនួន ១៤៩នាក់ ថយចុះ ១២.៨៧ % បើប្រៀបធៀបនឹងរយៈពេលដូចគ្នាឆ្នាំ២០២២ មានចំនួន ១៧១នាក់។
បន្ថែមពីនេះ លោកប្រធានមន្ទីរ បានគូសបញ្ជាក់ទៀតថា បើសរុបចំនួនភ្ញៀវទេសចរដែលមកកម្សាន្តក្នុងខេត្តបាត់ដំបង រយៈពេល ៣ថ្ងៃ នៃពិធីបុណ្យភ្ជុំបិណ្ឌ គឺមានចំនួន ២១២.៧៨៦នាក់៕
ដោយ៖ សហការី
