សារព័ត៌មាន នគរវត្ត តែងតែនាំមុខគេជានិច្ច
Darren England និង Daniel Cook នឹងត្រឡប់ទៅបំពេញកាតព្វកិច្ចនៅPremier League វិញជាលើកដំបូងចាប់តាំងពីកំហុសរបស់ពួកគេអំឡុងពេល Liverpool ចាញ់ Tottenham ។
Darren England និង Cook គឺជា VAR និងជាជំនួយការ VAR នៅពេលដែលគ្រាប់បាល់របស់ Luis Diaz សម្រាប់ Liverpool ត្រូវបានច្រានចោលដោយមិនត្រឹមត្រូវចំពោះការខកខានក្នុងការចាញ់ ២–១ កាលពីខែមុន។ ដៃគូVAR នេះត្រូវបានផ្អាកសម្រាប់ការប្រកួត២លើកបន្ទាប់នៅចុងសប្តាហ៍ដូចគ្នា ហើយមិនរាប់បញ្ចូលពីការប្រកួតបន្ទាប់ទៀតទេ។
Darren England នឹងក្លាយជាផ្លូវការទី៤ ខណៈដែល Brentford ទទួលភ្ញៀវ Burnley នៅថ្ងៃសៅរ៍។ រីឯ Cook ត្រូវបានតែងតាំងជាជំនួយការអាជ្ញាកណ្តាលសម្រាប់ការប្រកួតក្នុងផ្ទះរបស់ក្រុម Sheffield United ជាមួយ Manchester United នៅថ្ងៃសៅរ៍ផងដែរ។
ការថតសំឡេងនៃការពិភាក្សារវាងមន្ត្រីនៃការប្រកួតជុំវិញគ្រាប់បាល់ដែលមិនអនុញ្ញាតរបស់ Diaz ត្រូវបានគេផ្សព្វផ្សាយជាសាធារណៈដោយអាជ្ញាកណ្តាល នៃស្ថាប័នអាជ្ញាកណ្តាលអាជីពការប្រកួតផ្លូវការលីមីតធីត ហៅកាត់ថា PGMOL។
គ្រាប់បាល់នោះត្រូវបានអាជ្ញាកណ្តាល Simon Hooper មិនអនុញ្ញាតនៅលើទីលានប្រកួត និង VAR របស់ Darren England បាននិយាយថា ការពិនិត្យគឺល្អឥតខ្ចោះ មុននឹងហ៊ានសម្រេចពេលគាត់ដឹងថាមានកំហុស។
ប្រធានអាជ្ញាកណ្តាលលោក Howard Webb បាននិយាយថា វិធានការនានាត្រូវបានធ្វើឡើង ដើម្បីជៀសវាងការកើតឡើងម្តងទៀតនៃជម្លោះ។ Hooper ក៏នឹងត្រឡប់មកវិញជាលើកដំបូងចាប់តាំងពីមានកំហុស។ គាត់នឹងដើរតួជា VAR សម្រាប់ការប្រកួតក្នុងផ្ទះរបស់ Newcastle ទល់នឹង Crystal Palace នៅថ្ងៃសៅរ៍។
ទន្ទឹមនឹងនេះលោក Michael Oliver នឹងក្លាយជាអាជ្ញាកណ្តាល ខណៈដែលក្រុម Manchester United ទៅកាន់ទីក្រុង Bramall Lane នៅថ្ងៃសៅរ៍។កាលពីដើមខែនេះលោក Oliver បានជ្រើសរើសមិនបណ្តេញ Mateo Kovacic របស់ Manchester City សម្រាប់ការប្រជែងជាមួយប្រធានក្រុម Arsenal Martin Odegaard ដោយ Webb ក្រោយមកបាននិយាយថាខ្សែបម្រើក្រូអាតមានសំណាងខ្លាំងណាស់ដែលបានបន្តលេងនៅលើទីលាន៕
ដោយ៖ ភារៈ(រូបភាព ៖ BBC Sport)
