សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅរសៀលថ្ងៃទី២២ ខែតុលា ឆ្នាំ២០២៣ លោក សុខ ឥសាន : ពីនេះពីនោះពាក់ព័ន្ធកម្ពុជា បានលើកយកចំណុចសំខាន់ៗ ចំនួន ១០ ដូច ខាងក្រោម ៖
១- ចង់វាយតម្លៃការគោរពនិងអនុវត្តកិច្ចព្រមព្រៀងទីក្រុងប៉ារីស២៣តុលា៩១ = គេត្រូវមើលពីលទ្ធផលជាក់ស្តែងដែលកំពុងកើតឡើងនៅកម្ពុជា?
២- សន្តិភាព ស្ថិរភាពនយោបាយ ការកសាងនិងការអភិវឌ្ឍន៍នៅកម្ពុជាមានការរីកចម្រើនយ៉ាងណាប្រៀបធៀបពីមុនមកដល់សព្វថ្ងៃ = បើឃើញមានការរីកចម្រើននោះហើយគឺជាលទ្ធផលនៃការអនុវត្តកិច្ចព្រមព្រៀងទីក្រុងប៉ារីស។
៣- កិច្ចព្រមព្រៀងទីក្រុងប៉ារីសមិនបានលុបសិទ្ធិនយោបាយរបស់កងទ័ព នគរបាល និងមន្ត្រីតុលាការទេ? = កងទ័ព នគរបាល មន្ត្រីតុលាការនៅតែមានសិទ្ធិនយោបាយដូចពលរដ្ឋទូទៅដែរ គ្រាន់ច្បាប់កំណត់លក្ខ័ណ្ឌមិនឲ្យធ្វើសកម្មភាពនយោបាយក្នុងម៉ោងការងារស្នូល និងប្រើប្រាស់អាវុធនិងសម្ភារៈមធ្យោបាយរដ្ឋ?
៤- ការបោះឆ្នោតទៀងទាត់តាមកាលកំណត់ក្នុងរដ្ឋធម្មនុញ្ញ ពលរដ្ឋមានសិទ្ធិនយោបាយ អាចបង្កើតគណបក្សនយោបាយបាន អាចធ្វើសកម្មភាពនយោបាយបាន ការប្រកួតប្រជែងនយោបាយដោយស្មើភាពចំពោះមុខច្បាប់ របបដឹកនាំប្រជាធិបតេយ្យសេរីពហុបក្ស មានស្ថាប័នកំពូលៗបែងចែកអំណាចដាច់ពីគ្នា = ទាំងនេះគឺជាដំណើរការអនុវត្តកិច្ចព្រមព្រៀងទីក្រុងប៉ារីស។
៥- ការបោះឆ្នោតតាមប្រព័ន្ធសមាមាត្រ បក្សណាឈ្នះឆ្នោត = បក្សនោះកាន់អំណាច បង្កើតរាជរដ្ឋាភិបាល និងតែងតាំងមន្ត្រីរបស់ខ្លួន?
៦- ការប្រកួតប្រជែងនយោបាយតាមរយៈអ្វីរំលងគោលការណ៍ប្រជាធិបតេយ្យនិងនីតិរដ្ឋ = មិនមែនស្របតាមកិច្ចព្រមព្រៀងទីក្រុងប៉ារីសទេ?
៧- ការឃោសនាដោយបង្កើតរឿង លាបពណ៌ មួលបង្កាច់កេរ្ត៍ដៃគូប្រកួត = មិនមែនស្របតាមកិច្ចព្រមព្រៀងទីក្រុងប៉ារីសទេ?
៨- ការចង់ផ្តួលរំលំគូប្រកួតតាមបដិវត្តន៍ពណ = ផ្ទុយពីស្មារតីកិច្ចព្រមព្រៀងទីក្រុងប៉ារីស?
៩-ការទៅលុតក្រាបបរទេសសុំឲ្យដាក់ទណ្ឌកម្មកម្ពុជា =
មិនមែនជាស្មារតីកិច្ចព្រមព្រៀងទីក្រុងប៉ារីសទេ។
១០- ការទៅឡប់ប៌ីស្នើសុំឲ្យអន្តរជាតិផ្តល់ជំនួយ ចូលមកវិនិយោគនៅកម្ពុជាស្របតាមច្បាប់កម្ពុជា = គឺជាសំណូមពរកិច្ចព្រមព្រៀងទីក្រុងប៉ារីស? ៕
ដោយ ៖ សហការី
