សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក ជួន ចាន់ភារុណ អគ្គនាយករងនៃអគ្គនាយកដ្ឋានព័ត៌មាននិងសោតទស្សន៍ នៃក្រសួងព័ត៌មាន នៅរសៀលថ្ងៃចន្ទទី២៣ ខែតុលា ឆ្នាំ២០២៣នេះ បានដឹកនាំគណៈប្រតិភូអ្នកសារព័ត៌មានកម្ពុជា ដើម្បីចូលរួមក្នុងព្រឹត្តិការណ៍“The 2023 International Media Trip to Guangxi” ចាប់ពី ថ្ងៃទី២៣-៣០ ខែតុលា ឆ្នាំ២០២៣ ទៅកាន់ទីក្រុងណាននីង (Nanning) ខេត្ត Guangxi ប្រទេសចិន ។
លោក ជួន ចាន់ភារុណ បានយល់ឃើញថា ប្រព័ន្ធផ្សព្វផ្សាយអាស៊ាន និងចិន ដើរតួនាទីយ៉ាងសំខាន់ក្នុងការជំរុញការអភិវឌ្ឍន៍ និងកិច្ចសហប្រតិបត្តិការរវាងអាស៊ាន និងប្រជាជនចិន ហើយលោកសង្ឃឹមថាដំណើរទៅកាន់ខេត្តក្វាងស៊ីលើកនេះ នឹងពង្រឹងទំនាក់ទំនងរវាងប្រព័ន្ធផ្សព្វផ្សាយធំៗរបស់កម្ពុជា ជាមួយនឹងក្វាងស៊ី និងស្ថាបន័ព័ត៌មានប្រទេសអាស៊ានដទៃទៀត ។
តាមរយៈដំណើរទស្សនកិច្ចទៅកាន់ខេត្តក្វាងស៊ីលើកនេះ លោក រំពឹងថា នឹងបានរៀនសូត្រពីបទពិសោធន៍នៃការអភិវឌ្ឍន៍របស់ខេត្តក្វាងស៊ី ហើយនឹងឆ្លៀតយកឱកាសនេះផងដែរ ដើម្បីផ្សព្វផ្សាយឱ្យប្រព័ន្ធផ្សព្វផ្សាយពីប្រទេសចិន និងអាស៊ាន ឱ្យកាន់តែចាប់អារម្មណ៌មកលើប្រទេសកម្ពុជា ក្នុងគោលបំណងដើម្បីទាក់ទាញភ្ញៀវទេសចរចិន និងពីបណ្តារប្រទេសអាស៊ានមកទស្សនាប្រទេសកម្ពុជា។
សូមជម្រាបជូនថា អមដំណើរលោកអគ្គនាយករង Xuan Zhanpilun ក្នុងដំណើរទស្សនកិច្ចទៅកាន់ខេត្តក្វាងស៊ី រួមមាន៖ លោក សារ៉ាយ ច័ន្ទតារា និពន្ធនាយកមជ្ឈមណ្ឌលសារព័ត៌មាននគរវត្ត ,លោក ផ្លុង វិចិត្រ ស្ថាបនិក និងអគ្គនាយកនៃសារព័ត៌មាន«The Cambodia China Times»(ហៅកាត់ស៊ីស៊ីថាមស) ; លោក វ៉ាន់ សារាយ និពន្ធនាយករងសារព័ត៌មាន Fresh News ;លោក ជីព ចិត្ត និពន្ធនាយក Sabay Digital Plus ;លោក មៃ សុខលីម និពន្ធនាយកកម្ពុជាថ្មី ; លោកស្រី ឈ យូរលី អគ្គនិពន្ធនាយករងអង្គភាពព័ត៌មាន«The Cambodia China Times»និងអង្គភាពព័ត៌មានThe Commercial News ;លោក ផាត់ ច័ន្ទណា ប្រធានផ្នែកវីដេអូអង្គភាពព័ត៌មាន«The Cambodia China Times» ព្រមទាំងលោក Yang Qiang ប្រធានសាខា ទីភ្នាក់ងារព័ត៌មាន China News Service ប្រចាំប្រទេសកម្ពុជាផងដែរ។
គួរបញ្ជាក់ថា ព្រឹត្តិការណ៍”2023 Foreign Media Views Guangxi” នឹងប្រារព្ធឡើងនៅខេត្តក្វាងស៊ីប្រទេសចិន ចាប់ពីថ្ងៃទី២៤ ដល់ថ្ងៃទី ៣០ ខែតុលា កម្មវិធីនេះរៀបចំដោយនាយកដ្ឋានឃោសនានៃគណៈកម្មាធិការតំបន់ស្វយ័តខេត្តក្វាងស៊ី និងទីភ្នាក់ងារព័ត៌មាន China News Service ប្រចាំងខេត្តក្វាងស៊ី ។ ក្រៅពីតំសារព័ត៌មានល្បីពីប្រទេសកម្ពុជា ក៏មានតំណាងសារព័ត៌មានជាច្រើនផ្សេងទៀតមកពីបណ្តាប្រទេសអាស៊ានផងដែរ៕
ដោយ៖ ស តារា
