សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រី២នាក់ជិះម៉ូតូឌុបគ្នាធ្វេីដំណេីរតាមដងផ្លូវត្រូវជនសង្ស័យមួយក្រុមជិះម៉ូតូមកពីក្រោយធ្វេីសកម្មភាពឆក់កាបួបស្ពាយបានសម្រេចរួចគេចខ្លួនបាត់ដោយសុវត្តិភាពសង្ស័យចង់សាកសមត្ថភាពលោកនាយប៉ុស្តិ៍ដែលទេីបនិងឡេីងកាន់តំណែងថ្មីៗនេះ។
ហេតុការណ៍នេះបានកេីតឡេីងកាលពីវេលាម៉ោង១០និង៤០នាទីព្រឹក ថ្ងៃទី៣ ខែវិច្ឆិកា ឆ្នាំ២០២៣ នៅចំណុចមុខវត្តអង្គតាកៀត តាមបណ្តោយផ្លូវជាតិលេខ៣ ភូមិស្រែជម្រៅ សង្កាត់ចោមចៅទី២ ខណ្ឌពោធិ៍សែនជ័យ។
ជនរងគ្រោះឈ្មោះ អុន សារ៉ុម ភេទស្រីអាយុ៣៣ឆ្នាំ មុខរបរកម្មការិនី រោងចក្រ ស្នាក់នៅភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ។
តាមសម្តីជនរងគ្រោះបានឱ្យដឹងថា មុនពេលកេីតហេតុរូបគាត់ទាំងពីរនាក់ជិះម៉ូតូម៉ាកស្គូពីមួយគ្រឿងធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជេីងខណៈមកដល់ចំណុចកេីតហេតុស្រាប់តែមានជនសង្ស័យមានគ្នា៣នាក់ជិះម៉ូតូ២គ្រឿងមិនចាំស្លាកលេខមកពីក្រោយរួចធ្វេីសកម្មភាពឆក់កាបូបស្ពានពីរូបគាត់ដែលអង្គុយខាងក្រោយបានសម្រេចភ្លាមនោះរូបគាត់បានស្រែកថាចោរៗនិងដេញតាមពីក្រោយដែរតែមិនទាន់ជនសង្ស័យក៏គេចខ្លួនបាត់ទៅ។
ជនរងគ្រោះបានបញ្ជាក់ថា សម្ភារៈដែលបាត់បង់ក្នុងកាបូបនោះមានតែទូរស័ព្ទមួយគ្រឿងម៉ាក iPhone 13pro maxមួយគ្រឿងតែប៉ុណ្ណោះ។
ក្រោយកេីតហេតុជនរងគ្រោះបានត្រឹមទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅទី២ទាំងអស់សង្ឃឹម។
ពលរដ្ឋសម្តែងការព្រួយបារម្ភពីសុវត្តិភាព ខណៈបទល្មេីស លួច ឆក់ ប្លន់ កេីតឡេីងស្ទេីររាល់ថ្ងៃ។
ចាំមេីលលោកនាយប៉ុស្តិ៍នគរបាលចោមចៅទី២ដែលទេីបនិងឡេីងកាន់តំណែងថ្មីអាចបញ្ចេញស្នាដៃ អាចបង្ក្រាបជនសង្ស័យទាំងនោះបានយ៉ាងកម្រិតណា៕
ដោយ៖សុខាសែនជ័យ
