សារព័ត៌មាន នគរវត្ត តែងតែនាំមុខគេជានិច្ច
សមាគមបាល់ទាត់ (FA) បានប្រកាសកាលពីថ្ងៃព្រហស្បតិ៍ថា មូលនិធិរង្វាន់នៃការប្រកួតពានរង្វាន់ Women’s FA Cup រដូវកាលនេះត្រូវបានកើនឡើងទ្វេដងដល់៦លានផោន (៧.៣៥លានដុល្លារ) ។
អ្នកឈ្នះពានរង្វាន់ FA Cup ឥឡូវនេះនឹងទទួលបាន៤៣០,០០០ផោន ខណៈដែលម្ចាស់ជើងឯករដូវកាលមុនគឺក្រុមនារី Chelsea ទទួលបាន១០០,០០០ផោនប៉ុណ្ណោះ។
លោកស្រី Sue Campbell នាយកផ្នែកបាល់ទាត់នារីរបស់ FA បាននិយាយថា “ការបង្កើនប្រាក់រង្វាន់ទ្វេដងនេះបង្ហាញពីការប្តេជ្ញាចិត្តយ៉ាងច្បាស់លាស់របស់ FA ចំពោះអនាគតនៃការប្រកួត FA Cup របស់នារី ហើយនឹងជួយយើងរក្សាភាពរឹងមាំរបស់ខ្លួនជាការប្រកួតបាល់ទាត់នារីក្នុងស្រុកដ៏មានកិត្យានុភាពបំផុតនៅក្នុងពិភពលោក” ។
មូលនិធិរង្វាន់កាលពីរដូវកាលមុនបានកើនឡើងពី៤០០,០០០ផោនដល់៣លានផោន។ ម្ចាស់ជើងឯក FA Cup ផ្នែកបុរសបច្ចុប្បន្នទទួលបាន២លានផោន។
លោកស្រី Campbell បានបន្ថែមថា “នៅទីបំផុត យើងចង់ឱ្យការប្រកួតប្រជែងផ្នែកនារីទទួលបានប្រាក់រង្វាន់ដូចគ្នាទៅនឹងផ្នែកបុរស ហើយការកើនឡើងថ្មីនេះគឺជាជំហានវិជ្ជមានក្នុងទិសដៅនៃការសម្រេចបាននូវមហិច្ឆតារយៈពេលវែង ៕
ដោយ៖ ភារៈ(រូបភាព ៖ Reuters/CNA)
