សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តឡង់គ្រីស័រមួយគ្រឿងខណៈបេីកបរបន្ថយល្បឿនស្រាប់តែមានរថយន្តចំនួនពីរគ្រឿងទៀតបេីកបរមកពីក្រោយមិនប្រយ័ត្នក៏ជ្រុលបុកតកន្ទុយគ្នាបណ្តាលឱ្យរងការខូចខាត។
ហេតុការណ៍នេះបានកេីតឡេីងកាលពីវេលាម៉ោង១០ព្រឹក ថ្ងៃទី១៦ ខែវិច្ឆិកា ឆ្នាំ២០២៣ នៅចំណុចមុខផ្សារបឹងបៃតង តាមបណ្តោយវិថីឈ្នះ ឈ្នះ ស្ថិតក្នុងសង្កាត់តាំងក្រសាំង ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកឡង់គ្រីស័រ ពណ៌ខ្មៅ ពាក់ស្លាកលេខភ្នំពេញ2AE 8027 ធ្វេីដំណេីរតាមបណ្តោយវិថីឈ្នះឈ្នះ ក្នុងទិសដៅពីជេីងទៅត្បូងខណៈមកដល់ចំណុចកេីតហេតុដោយសារតែខាងមុខមានរថយន្តឆ្លងកាត់ក៏បន្ថយល្បឿនភ្លាមនោះស្រាប់តែមានរថយន្តម៉ាកហីយ៉ាន់ដាយ ពណ៌ខៀវ ពាក់ស្លាកលេខភ្នំពេញ3C 1940 ជ្រុលបុកពីក្រោយភ្លាមនោះទៀតស្រាប់តែមានរថយន្តម៉ាកហុីយ៉ាន់ដាយឃ្លប់មួយគ្រឿងទៀតពណ៌សលាយខៀវពាក់ស្លាកលេខកោះកុង3A 0659 មកបុកបន្តកន្ទុយថែមទៀតគាបជាប់គ្នាទាំង៣គ្រឿងបណ្តាលឱ្យរងការខូចខាតតែមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុបាញ់ថ្នាំរួចឱ្យរថយន្តទាំងបីគ្រឿងអែបខាងដេីម្បីសម្រួលគ្នាជៀសវាងកកស្ទះចរាចរណ៍៕
ដោយ៖សុខាសែនជ័យ
