សារព័ត៌មាន នគរវត្ត តែងតែនាំមុខគេជានិច្ច
ប្រទេសឡាវ ៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា ក្នុងរាត្រីថ្ងៃទី៤ ខែធ្នូ ឆ្នាំ២០២៣ បានអញ្ជើញចូលរួមពិធីលៀងសាយភោជន៍ ជូនគណៈប្រតិភូជាន់ខ្ពស់រដ្ឋសភាកម្ពុជា ឡាវ និងវៀតណាម ដែលចូលរួមកិច្ចប្រជុំកំពូលសភាកម្ពុជា-ឡាវ-វៀតណាម (CLV) លើកទី១ នាទីក្រុងវៀងចន្ទន៍ ប្រទេសឡាវ ដែលរៀបចំឡើងដោយរដ្ឋសភាឡាវ នៅសណ្ឋាគារ Crowne Plaza។
រដ្ឋសភាឡាវទទួលធ្វើជាម្ចាស់ផ្ទះកិច្ចប្រជុំកំពូលសភា CLV ជាលើកដំបូង នៅក្នុងឆ្នាំ២០២៣នេះ ដើម្បីគំាទ្រនិងជំរុញការអភិវឌ្ឍន៍តំបន់ត្រីកោណអភិវឌ្ឍន៍(CLV-DTA) ដែលរដ្ឋាភិបាលប្រទេសទាំងងបីបានបង្កើតឡេីងកាលពីឆ្នាំ១៩៩៩ និងក្នុងគោលដៅប្រែក្លាយតំបន់ត្រីកោណអភិវឌ្ឍន៍ឱ្យក្លាយទៅជាតំបន់សន្តិភាព និងអភិវឌ្ឍន៍ប្រកបដោយនិរន្តរភាពស្របតាមទស្សនៈដើមរបស់ សម្ដេចអគ្គមហាសេនាបតីតេជោ ហ៊ុន សែន។
កិច្ចប្រជុំកំពូលសភាCLV ជាលើកទី១ ដែលរដ្ឋសភាឡាវទទួលធ្វើជាម្ចាស់ផ្ទះ នឹងប្រារព្ធពិធីបើកជាផ្លូវការនៅព្រឹកថ្ងៃទី៥ ខែធ្នូស្អែក ក្រោមធិបតីភាព លោក បណ្ឌិត Xaysomphone Phomvihane ប្រធានរដ្ឋសភាឡាវ និង លោក THONGLOUN SISOULITH ប្រធានរដ្ឋឡាវ។
ក្នុងពិធីលៀងសាយភោជន៍ នារាត្រីថ្ងៃទី៤ ខែធ្នូ ឆ្នាំ២០២៣នេះ ប្រារព្ធធ្វើឡើងក្រោមអធិបតីភាព លោកស្រី ស៊ួនថន សាយ៉ាចាក់ អនុប្រធានរដ្ឋសភាឡាវ៕
ដោយ ៖ សហការី
