សារព័ត៌មាន នគរវត្ត តែងតែនាំមុខគេជានិច្ច
យោងតាមសារព័ត៌មាន The Star ថ្ងៃទី២០ ខែធ្នូ លោក Pita Limjaroenrat ដែលត្រូវបានដកហូតតំណែងជាបេក្ខភាពនាយករដ្ឋមន្ត្រីដោយរដ្ឋសភាថៃ បានផ្តល់សក្ខីកម្មនៅតុលាការពាក់ព័ន្ធនឹងការចោទប្រកាន់ពីបទរំលោភការបោះឆ្នោត។ ប្រសិនបើត្រូវបានកាត់ទោស លោក Pita Limjaroenrat អាចត្រូវបានហាមឃាត់ចូលរួមក្នុងនយោបាយ។លោក ភីតា កំពុងត្រូវបានតុលាការធម្មនុញ្ញព្យួរតួនាទីជាសមាជិកសភាពាក់ព័ន្ធនឹងករណីកាន់កាប់ភាគហ៊ុនរបស់លោកក្នុងក្រុមហ៊ុន iTV Media។ ការកាន់កាប់ភាគហ៊ុននៅក្នុងក្រុមហ៊ុនប្រព័ន្ធផ្សព្វផ្សាយគឺផ្ទុយនឹងច្បាប់របស់ប្រទេសថៃ។
ចាប់តាំងពីឆ្នាំ 2006 លោក Pita បានទទួលភាគហ៊ុនចំនួន 42,000 របស់ក្រុមហ៊ុន iTV Media បន្ទាប់ពីឪពុករបស់គាត់បានទទួលមរណភាព។ ទោះយ៉ាងណាបើតាមលោក Pita ក្រុមហ៊ុននេះមិនបានដំណើរការក្នុងវិស័យសារព័ត៌មានតាំងពីឆ្នាំ ២០០៧ មក។
កាលពីខែឧសភា លោក Pita និងគណបក្ស MFP ដែលលោកដឹកនាំបានឈ្នះការបោះឆ្នោតជាតិក្នុងប្រទេសថៃ ដោយបានជួយឱ្យលោកក្លាយជាបេក្ខជនតែមួយគត់សម្រាប់តំណែងនាយករដ្ឋមន្ត្រីថៃ។
យ៉ាងណាក៏ដោយ កាលពីថ្ងៃទី១៩ ខែកក្កដា លោកត្រូវបានតុលាការធម្មនុញ្ញព្យួរពីឋានៈជាតំណាងរាស្រ្ត បន្ទាប់ពីទទួលបានសំណើពីគណៈកម្មាធិការជាតិរៀបចំការបោះឆ្នោត ដើម្បីដោះស្រាយការរំលោភខាងលើ។ កាលពីខែកញ្ញា លោក Pita បានប្រកាសចាកចេញពីតំណែងជាប្រធានគណបក្ស MFP។
មុនចូលបន្ទប់សវនាការនៅព្រឹកថ្ងៃទី២០ ខែធ្នូ លោក ភី តា មានប្រសាសន៍ថា លោកទន្ទឹងរង់ចាំថ្ងៃនេះ ព្រោះនេះជាឱកាសរបស់លោកក្នុងការពន្យល់ពីការចោទប្រកាន់មកលើរូបលោក៕ ដោយ៖ ធីរីណា
រូបថត៖ EPA
