សារព័ត៌មាន នគរវត្ត តែងតែនាំមុខគេជានិច្ច
កាលពីថ្ងៃទី ២៤ ខែធ្នូ ក្រសួងការពារជាតិរុស្ស៊ីបានប្រកាសថា យោធារបស់ប្រទេសនេះបានបំផ្លាញយន្តហោះគ្មានមនុស្សបើករបស់អ៊ុយក្រែនសរុបជាង 10.000 គ្រឿង (UAVs) ចាប់តាំងពីជម្លោះជាមួយប្រទេសជិតខាងបានផ្ទុះឡើងនៅចុងខែកុម្ភៈ ឆ្នាំ 2022។ទីភ្នាក់ងារសារព័ត៌មាន Tass បានដកស្រង់សេចក្តីថ្លែងការណ៍របស់ក្រសួងការពារជាតិរុស្ស៊ីដែលបញ្ជាក់ថា៖ “យន្តហោះសរុបចំនួន ៥៥៨ គ្រឿង ឧទ្ធម្ភាគចក្រ ២៦១ គ្រឿង UAV 10.040 គ្រឿង ប្រព័ន្ធកាំជ្រួចការពារដែនអាកាសចំនួន 442 គ្រឿង រថក្រោះ 14,299 គ្រឿង និងរថពាសដែកប្រយុទ្ធផ្សេងទៀតចំនួន 1,189 គ្រឿង គ្រាប់រ៉ុក្កែតចំនួន 7,479 គ្រឿង។ កាំភ្លើងធំ និងកាំភ្លើងត្បាល់ និងរថយន្តយុទ្ធសាស្ត្រពិសេសរបស់អ៊ុយក្រែនចំនួន ១៦.៦៦០ គ្រឿងត្រូវបានបំផ្លាញចាប់តាំងពីទីក្រុងមូស្គូបានចាប់ផ្តើមប្រតិបត្តិការយោធាពិសេស។
អាជ្ញាធររុស្ស៊ីបានបន្ថែមថា ក្នុងរយៈពេលត្រឹមតែ 24 ម៉ោងកន្លងទៅនេះ កងកម្លាំងម៉ូស្គូបានស្ទាក់ចាប់បានដោយជោគជ័យនូវកាំជ្រួច HARM ចំនួន 3 គ្រាប់ មីស៊ីល HIMARS ចំនួន 3 គ្រាប់ កាំជ្រួចប្រឆាំងនាវា Neptun ព្រមទាំងបានបាញ់ទម្លាក់យន្តហោះយោធាចំនួន 4 គ្រឿង និង UAV ចំនួន 49 គ្រឿងរបស់ Kiev ។
ភាគីអ៊ុយក្រែននៅមិនទាន់ឆ្លើយតបនឹងតួលេខដែលផ្តល់ដោយយោធារុស្ស៊ីនៅឡើយទេ៕
ដោយ៖ ធីរីណា(រូបថត៖ Getty Images)
