សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ លោក ប៉ែន បូណា ប្រធានអង្គភាពអ្នកនាំពាក្យរាជរដ្ឋាភិបាល បានលើកឡើងក្នុងឱកាសដែល លោកផ្តល់បទសម្ភាសន៍ដល់ទូរទស្សន៍អប្សរា (AMS) កាលពីពេលថ្មីៗនេះថា ការផ្សព្វផ្សាយព័ត៌មានក្លែងក្លាយទាក់ទង «គម្រោងព្រែកជីកហ្វូណនតេជោ» គឺជាការប្រឆាំងទៅនឹងផលប្រយោជន៍ជាតិ។ លោកបានពន្យល់ថា បច្ចុប្បន្ននេះប្រទេសនីមួយៗគេខិតខំប្រឹងស្វែងរកគំនិតនិងយុទ្ធសាស្រ្តថ្មីៗ ដើម្បីទាញយកផលប្រយោជន៍សេដ្ឋកិច្ចជូនប្រទេសជាតិ ដែលក្នុងនោះការសម្រួលនិងពង្រីកផ្លូវគមនាគមន៍សម្រាប់ការដឹកជញ្ជូន ទាំងផ្លូវគោកនិងផ្លូវទឹកគឺសំខាន់ណាស់ ហេតុនេះអ្នកដែលផ្សាយព័ត៌មានមិនពិតទាក់ទងនឹង «គម្រោងព្រែកជីកហ្វូណនតេជោ» គឺជាការប្រឆាំងទៅនឹងផលប្រយោជន៍ជាតិទាំងស្រុង។ លោកក៏បានអំពាវនាវឱ្យប្រជាពលរដ្ឋទាំងអស់ សូមមេត្តាផ្ទៀងផ្ទាត់ព័ត៌មានឱ្យបានគ្រប់ជ្រុងជ្រោយ មុននឹងជឿ និងចែករំលែកបន្ត ៕
ដោយ ៖ សិលា
