សារព័ត៌មាន នគរវត្ត តែងតែនាំមុខគេជានិច្ច
ខេត្តកំពត៖ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត បានថ្លែងតាមរយៈបណ្ដាញសង្គមហ្វេសប៊ុកផ្លូវការកាលពីថ្ងៃទី២១ ខែមករា ឆ្នាំ២០២៤ថា៖ “ទោះបីហត់លំបាកយ៉ាងណាទាំងយប់ឬថ្ងៃក៏លោកមិនរាថយក្នុងការបង្ក្រាបក្រុមឧក្រិដ្ឋជនគ្រឿងញៀនដែរ ជាក់ស្តែងនៅរសៀលថ្ងៃទី២០ ខែមករា ឆ្នាំ២០២៤ កម្លាំងជំនាញ នៃការិយាល័យនគរបាលប្រឆាំងគ្រឿងញៀន បានបង្ក្រាបករណីចែកចាយគ្រឿងញៀននៅក្នុងក្រុងកំពតមួយករណី និងបានពន្លាតដែលសមត្ថកិច្ចសហការជាមួយស្នងការនគរបាលខេត្តតាកែវ បន្តបង្ក្រាបមេខ្លោងគ្រឿងញៀននិងដកហូតបានគ្រឿងញៀនជិត៣គីឡូក្រាម។
យោងតាមរបាយការណ៍របស់ស្នងការដ្ឋាននគរបាលខេត្តកំពត បានឱ្យដឹងថា ដោយមានការយកចិត្តទុកដាក់លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្ត និងមានការឯកភាពពីលោក ជីវ ចាន់តារា ព្រះរាជអាជ្ញា នៃអយ្យការអមសាលាដំបូងខេត្តកំពត កាលពីថ្ងៃទី១៩ ខែមករា ឆ្នាំ២០២៤ កម្លាំងជំនាញការិយាល័យប្រឆាំងគ្រឿងញៀនខេត្តដែលបាន ដឹកនាំដោយលោកវរសេនីយ៍ឯក ទឹម សុភាព ស្នងការរងផែនការងារប្រឆាំងគ្រឿងញៀន បានធ្វើការស៊ើបអង្កេត និងស្រាវជ្រាវ ដោយបានដាក់កំលាំងសមត្ថកិច្ចឃ្លាំមើលក៏ប្រទះឃើញជនសង្ស័យកំពុងយកថ្នាំញៀនមកលក់ ក៏បើកកិច្ចប្រតិបត្តិការបង្ក្រាបករណី ជួញដូរដោយខុសច្បាប់នូវសារធាតុញៀនចំនួន ០១ករណី នៅចំណុចផ្លូវបេតុង ស្ថិតនៅភូមិសុវណ្ណសាគរ សង្កាត់កំពង់កណ្តាល ក្រុងកំពត ខេត្តកំពត។
សមត្ថកិច្ចឃាត់ខ្លួនជនសង្ស័យម្នាក់ ៖
១- ឈ្មោះ សែម សារឿន ហៅ ចាប ភេទប្រុស អាយុ ២៩ឆ្នាំ រស់នៅភូមិសុវណ្ណសាគរ សង្កាត់កំពង់កណ្តាល ក្រុងកំពត ខេត្តកំពត ។
*វត្ថុតាងដកហូតមាន ៖ -ថ្នាំញៀនចំនួន ០១កញ្ចប់, -ម៉ូតូ ០១គ្រឿង, -ទូរស័ព្ទដៃ ០១គ្រឿង។
បន្ទាប់ពីការសាកសួរចម្លើយជនសង្ស័យឈ្មោះ សែម សារឿន នៅថ្ងៃទី២០ ខែមករា ឆ្នាំ២០២៤ វេលាម៉ោង១និង៣០នាទី កម្លាំងសមត្ថកិច្ចជំនាញក៏បានបន្តឃាត់ខ្លួនជនសង្ស័យដែលជាបក្ខពួកជួញដូរគ្រឿងញៀន ស្ថិតនៅភូមិព្រៃថ្នង ឃុំព្រៃថ្នង ស្រុកទឹកឈូ ខេត្តកំពត ឃាត់ខ្លួនជនសង្ស័យម្នាក់ថែមទៀត ឈ្មោះ អ៊ុយ សុខហេង ភេទប្រុស អាយុ ៣២ឆ្នាំ រស់នៅភូមិត្រពាំងកំភ្លាញ ឃុំអង្គភ្នំតូច ស្រុកអង្គរជ័យ ខេត្តកំពត។
*វត្ថុតាងដកហូតមាន:
-ម៉ូតូ ០១គ្រឿង
-ទូរស័ព្ទដៃ ០២គ្រឿង។
បន្ទាប់ពីការសាកសួរចម្លើយជនសង្ស័យឈ្មោះ អ៊ុយ សុខហេង នៅថ្ងៃទី២០ ខែមករា ឆ្នាំ២០២៤ វេលាម៉ោង ៥និង៣០នាទី កម្លាំងសមត្ថកិច្ចបានបន្តឃាត់ខ្លួនជនសង្ស័យដែលជាបក្ខពួកជួញដូរគ្រឿងញៀន ស្ថិតនៅភូមិបឹងនិមល ឃុំបឹងនិមល ស្រុកឈូក ខេត្តកំពត ឃាត់ខ្លួនជនសង្ស័យម្នាក់បន្ថែមទៀត ឈ្មោះ ដុង ឆានុន ភេទប្រុស អាយុ ២៣ឆ្នាំ រស់នៅភូមិស្មោង ឃុំស្មោង ស្រុកទ្រាំង ខេត្តតាកែវ ។
*វត្ថុតាងដកហូតមាន ៖ -ថ្នាំញៀនចំនួន ០៣កញ្ចប់, -ម៉ូតូ ០១គ្រឿង, -ទូរស័ព្ទដៃ ០១គ្រឿង។
រួចបន្តនីតិវិធីស្រាវជ្រាវ និងចម្លើយជនសង្ស័យឈ្មោះ អ៊ុយ សុខហេង និងឈ្មោះ ដុង ឆានុន នៅថ្ងៃទី២០ ខែមករា ឆ្នាំ២០២៤ វេលាម៉ោង ១៥ និង ៣០នាទីកម្លាំងសមត្ថកិច្ចបានបន្តឃាត់ខ្លួនជនសង្ស័យជាមេក្លោងដែលជាបក្ខពួកជួញដូរគ្រឿងញៀន ស្ថិតនៅភូមិស៊ីស្លា ឃុំធ្លាប្រជុំ ស្រុកកោះអណ្តែត ខេត្តតាកែវ ឃាត់ខ្លួនជនសង្ស័យបានចំនួន ០១នាក់ថែមទៀត:
១- ឈ្មោះ ង៉ែត រស្មី ហៅ កើយ ភេទប្រុស អាយុ ៣៥ឆ្នាំ រស់នៅភូមិសុីស្លា ឃុំធ្លាប្រជុំ ស្រុកកោះអណ្តែត ខេត្តតាកែវ ។
វត្ថុតាងដកហូតមាន ៖ -ថ្នាំញៀនចំនួន ០៩កញ្ចប់ (ធំ២ តូច៧), -ទូរស័ព្ទដៃ ០២គ្រឿង, -ជញ្ជីងអេឡិចត្រូនិច ០១គ្រឿង
-ថង់ប្លាស្ទិចមួយចំនួន ។
ជុំវិញករណីខាងលើនេះ សមត្ថកិច្ចបានដកហូតវត្ថុតាងសរុបរួមមាន ៖
-ម្សៅក្រាមពណ៌សថ្លាសង្ស័យជាថ្នាំញៀនចំនួន ១៣កញ្ចប់
-ម៉ូតូ ០៣គ្រឿង
-ទូរស័ព្ទដៃ ០៦គ្រឿង
-ជញ្ជីងអេឡិចត្រូនិច ០១គ្រឿង និងថង់ប្លាស្ទិចមួយចំនួន ។
បច្ចុប្បន្នកម្លាំងសមត្ថកិច្ចកំពុងកសាងសំណុំរឿងបញ្ជូនជនសង្ស័យទាំង៤នាក់ និងវត្ថុតាងទៅតុលាការដើម្បីចាត់ការតាមនីតិវិធីច្បាប់៕
ដោយ៖ តារា
