សារព័ត៌មាន នគរវត្ត តែងតែនាំមុខគេជានិច្ច
ប្រទេសជប៉ុន ៖ នៅរសៀលថ្ងៃទី២៣ ខែមករា ឆ្នាំ២០២៤ លោក ទុយ រី ឯកអគ្គរាជទូតកម្ពុជាប្រចាំប្រទេសជប៉ុន បានទទួលជួបសម្តែងការគួរសមជាមួយ សមាជិកគណៈកម្មាធិការរបស់កម្ពុជាសម្រាប់អាហារូបករណ៍ JDS ដែលដឹកនាំដោយ លោកបណ្ឌិត ជួន ជីវិន រដ្ឋលេខាធិការ ក្រសួងអប់រំ យុវជននិងកីឡា រួមជាមួុយ លោក ពេជ្រ វិជ្ជាគន្ធី អគ្គនាយក នៃក្រសួងមុខងារសាធារណៈ និងមន្រ្តីមជ្ឈមណ្ឌលសហប្រតិបត្តិការអន្តរជាតិជប៉ុន (JICE) មួយចំនួន។
ក្នុងឱកាសនោះ លោក ឯកអគ្គរាជទូត បានជម្រាបជូនសមាជិកគណៈកម្មាធិការ អំពីការយកចិត្តទុក្ខដាក់ និងកិច្ចការការពារផលប្រយោជន៍នានា របស់ស្ថានទូតកម្ពុជាចំពោះសិស្ស និស្សិត រួមទាំងកម្មសិក្សាការរី និងប្រជាពលរដ្ឋខ្មែរទាំងអស់ដែលកំពុងស្នាក់នៅ ធ្វើការ និងសិក្សានៅប្រទេសជប៉ុន។
លោកបណ្ឌិត ជួន ជីវិន បានថ្លែងអំណរគុណ លោក ឯកអគ្គរាជទូត ចំពោះការតែងតែយកចិត្តទុកដាក់ដល់ពលរដ្ឋខ្មែរ ពិសេសនិស្សិតមន្រ្តីរាជការ ដែលទទួលបានអាហារូបករណ៍ JDS តាំងពីមកដល់ រហូតបានបញ្ចប់ការសិក្សាពីប្រទេសជប៉ុន៕
ដោយ ៖ សិលា
