សារព័ត៌មាន នគរវត្ត តែងតែនាំមុខគេជានិច្ច
កីឡាករ Achraf Hakimi បានខកខានឱកាសក្នុងការតាមស្មើពីបាល់ប៉េណាល់ទីក្នុងតង់ទី២ ខណៈដែលអាហ្រ្វិកខាងត្បូងបង្ហាញភាពភ្ញាក់ផ្អើលពេលប្រកួតជាមួយម៉ារ៉ុកដែលមានគ្នា១០នាក់ក្នុងការក្នុងការឡើងទៅកាន់វគ្គ៨ក្រុមចុងក្រោយដោយត្រូវប៉ជាមួយ Cape Verde ក្នុងព្រឹត្តិការណ៍ Africa Cup of Nations ឆ្នាំ២០២៣។Evidence Makgopa បានស៊ុតបញ្ចូលទីយ៉ាងល្អដើម្បីរកគ្រាប់បាល់បើកឆាកនៅនាទីទី៥៧ឲ្យក្រុមអាហ្វ្រិកខាងត្បូង ដោយរួចផុតពីការត្រួតពិនិត្យវីដេអូជំនួយការអាជ្ញាកណ្តាល (VAR) និងបានធ្វើឱ្យក្រុមឆ្ពោះទៅរកជ័យជម្នះដ៏គួរឱ្យភ្ញាក់ផ្អើលលើក្រុមម៉ារ៉ុកដែលធ្លាប់ធ្វើបានល្អកាលពីការប្រកួតវគ្គពាក់កណ្តាលផ្តាច់ព្រ័ត្រ World Cup ឆ្នាំ២០២២។
Hakimi ទទួលបានឱកាសមាសដើម្បីឈានទៅរកគ្រាប់បាល់ស្មើនៅពេលដែល Mothobi Mvala ត្រូវបានវិនិច្ឆ័យថា បានបង្កកំហុសទៅលើ Ayoub El Kaabi នៅនាទីទី៨៥ ប៉ុន្តែការស៊ុតបាល់ពិន័យនេះគឺមិនអាចស៊ុតចូលបាន។
ខ្សែបម្រើ Sofyan Amrabat របស់ក្រុម Manchester United ត្រូវបានបណ្ដេញចេញក្នុងពេលឈប់សម្រាក មុនពេល Teboho Mokoena បានទាត់បាល់ហ្វ្រីឃីកពីកីឡាករ Bono ដើម្បីបញ្ជាក់ពីការខកចិត្តក្នុងទម្រង់លេងនៅពេលប្រកួតនោះ។ ចូលដល់ម៉ោងបន្ថែម៩០+៥ កីឡាករ Evidence Makgopa រកបានគ្រាប់បាល់១គ្រាប់បន្ថែមទៀតដែលធ្វើឲ្យអាហ្វ្រិកខាងត្បូងយកឈ្នះក្រុមខ្លាំងម៉ារ៉ុក២ទល់០។
ម្ចាស់ជើងឯកឆ្នាំ១៩៩៦ ឥឡូវនេះនឹងមានបំណងធ្វើឱ្យប្រសើរឡើងនៅពេលការចាកចេញពីវគ្គផ្តាច់ព្រ័ត្ររបស់ពួកគេនៅលើការបង្ហាញខ្លួនចុងក្រោយបំផុតរបស់ពួកគេកាលពីឆ្នាំ២០១៩ ហើយអាហ្វ្រិកខាងត្បូងនឹងត្រូវប៉ះនៅពេលដែលពួកគេយកឈ្នះលើក្រុម Cape Verde នៅថ្ងៃអាទិត្យ ទី៤ កុម្ភៈខាងមុខសម្រាប់ការប្រជែងកន្លែងមួយក្នុងវគ្គ៤ក្រុមចុងក្រោយ។
ម៉ារ៉ុកគឺជាក្រុមលំដាប់កំពូលរបស់ទ្វីបអាហ្រ្វិក ប៉ុន្តែនឹងត្រូវរង់ចាំរហូតដល់ពួកគេធ្វើជាម្ចាស់ផ្ទះនៃព្រឹត្តិការណ៍ Afcon ឆ្នាំ២០២៥ ដើម្បីបញ្ចប់ការរង់ចាំដ៏យូររបស់ពួកគេសម្រាប់ពានរង្វាន់ទ្វីបទីពីរ ដែលលាតសន្ធឹងរហូតដល់ឆ្នាំ១៩៧៦៕
ដោយ៖ ភារៈ(រូបភាព ៖ BBC Sport)
