សារព័ត៌មាន នគរវត្ត តែងតែនាំមុខគេជានិច្ច
ក្លិបយក្សរបស់អាល្លឺម៉ង់ Bayern Munich បានថ្កោលទោសចំពោះការរំលោភបំពានការរើសអើងជាតិសាសន៍ដែលសំដៅទៅលើខ្សែការពារ Dayot Upamecano បន្ទាប់ពីពួកគេចាញ់ ១–០ ដោយក្រុម Lazio ក្នុងការប្រកួត Champions League វគ្គ១៦ក្រុមចុងក្រោយកាលពីរាត្រីថ្ងៃ១៤ កុម្ភៈ។
Upamecano វ័យ២៥ឆ្នាំត្រូវបានបណ្តេញចេញនៅនាទីទី៦៧បន្ទាប់ពីផ្តល់បាល់ប៉េណាល់ទីដែល Ciro Immobile ស៊ុតបញ្ចូលទីសម្រាប់ការឈ្នះ។
សេចក្តីថ្លែងការណ៍មួយនៅលើបណ្តាញ X បានឲ្យដឹងថា “ក្លិប FC Bayern ថ្កោលទោសយ៉ាងដាច់អហង្ការចំពោះការបញ្ចេញមតិរើសអើងជាតិសាសន៍ដែលត្រូវបានតម្រង់ទៅរក Dayot Upamecano នៅលើប្រព័ន្ធផ្សព្វផ្សាយសង្គម។ អ្នកណាដែលបញ្ចេញយោបល់ពាក្យស្អប់បែបនេះ គឺមិនមែនជាអ្នកគាំទ្រក្លិបយើងទេ”។
ការទទួលបានកាតក្រហមមានន័យថា Upamecano នឹងខកខានការប្រកួតជើងទីពីរនៅទីក្រុង Munich នៅថ្ងៃទី៥ ខែមីនា។ Bayern បានបរាជ័យក្នុងការស៊ុតចំគោលដៅក្នុងការប្រកួតជើងទី១ដោយការបរាជ័យនេះបានបង្កើនសម្ពាធលើអ្នកចាត់ការលោក Thomas Tuchel។
ក្រុម Bayern Munich បានចាញ់ក្រុម Bayer Leverkusen ៣–០ ក្នុងក្របខ័ណ្ឌ Bundesliga កាលពីថ្ងៃសៅរ៍ ដើម្បីធ្វើក្រុមរបស់លោក Xabi Alonso ដាច់ចំនួន៥ពិន្ទុលើក្នុងចំណាត់ថ្នាក់លេខ២ ហើយបានធ្លាក់ចេញពីពានរង្វាន់ German Cup រួចហើយ៕
ដោយ៖ ភារៈ(រូបភាព ៖ BBC Sport)
