សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានបញ្ចប់ជីវិតខ្លួនឯងដោយចងកសម្លាប់ខ្លួនក្រោយពីមានជម្លោះជាមួយនារីជាសង្សារហើយយកកាំបិតដេញចាក់ បង្កការភ្ញាក់ផ្អេីលកាលពី វេលាម៉ោង០៨និង៣០នាទីថ្ងៃទី១៧ខែកុម្ភៈឆ្នាំ២០២៤ នៅចំណុចបុរីអឹលវី ផ្ទះលេខG1A12 ផ្លូវ02 ភូមិទួលពង្រសង្កាត់ចោមចៅទី១ ខណ្ឌពោធិ៍សែនជ័យរាជធានីភ្នំពេញ ។
ជនរងគ្រោះ(សព)ឈ្មោះណឹម ម៉ៃ ភេទប្រុស អាយុ២៦ឆ្នាំ ស្រុកកំណើតនៅភូមិត្រពាំងរុន ឃុំតានី ស្រុកអង្គរជ័យ ខេត្តកំពត បច្ចុប្បន្នស្នាក់នៅកន្លែងកេីតហេតុខាងលើ។
យោងតាមការបំភ្លឺរបស់ឈ្មោះ ទូច វីស្សាភេទស្រី អាយុ២២ឆ្នាំ ត្រូវជាមិត្តស្រីរបស់ ជនរងគ្រោះបានឱ្យដឹងថា នៅមុនពេលកេីតហេតុ រូបគាត់និងជនរងគ្រោះបានឈ្លោះគ្នា ហេីយជនរងគ្រោះបានយកកូនកាំបិតដេញចាក់គាត់ ពេលនោះគាត់ភ័យពេកបានរត់ទៅបន្ទប់មិត្តភក្ដិឱ្យជួយ។ នៅពេលនោះ មិត្តភក្តិរបស់គាត់និងគាត់ ក៏បានចុះមកខាងក្រោម មួយសន្ទុះក្រោយមកក៏ស្ងាត់ ពួកគាត់ទាំងពីរនាក់ បានឡើងទៅមេីល ស្រាប់តែឃើញជនរងគ្រោះចងកសម្លាប់ខ្លួនបាត់ទៅហេីយ នៅជាប់នឹងចម្រឹងដែកបង្អួច ពេលនោះគាត់ក៏បានរាយការណ៍ទៅសមត្ថកិច្ចតែម្ដង។ តាមការពិនិត្យនិងធ្វើកោសល្យវិច័យរបស់សមត្ថកិច្ចនគរបាលបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញបានឱ្យដឹងថា ជនរងគ្រោះស្លាប់ដោយសារចងកសម្លាប់ខ្លួនពិតប្រាកដមែន ហេីយមានសារធាតុញៀននៅក្នុងខ្លួនទៀតផង។
បច្ចុប្បន្ន សពត្រូវបានប្រគល់ទៅឱ្យក្រុមគ្រួសារយកទៅធ្វើបុណ្យតាមប្រពៃណី៕
ដោយ៖សុខាសែនជ័យ
