ឆ្លងចរន្តអគ្គិសនីបណ្តាលឱ្យផ្ទះមួយខ្នងឆាបឆេះគ្មានសល់នៅស្រុកសាមគ្គីមុនីជ័យ

ខេត្តកំពង់ស្ពឺ៖ ផ្ទះមួយខ្នងត្រូវបានអគ្គិភ័យឆាបឆេះអស់ទាំងស្រុងនៅចំណុចភូមិឡ ឃុំព្រៃក្រសាំង ស្រុកសាមគ្គីមុនីជ័យ ខេត្តកំពង់ស្ពឺកាលពីវេលាម៉ោង៥និង២៥នាទីថ្ងៃទី១៧ខែកុម្ភៈឆ្នាំ២០២៤។

សមត្ថកិច្ចបានឱ្យដឹងថា អគ្គិភ័យឆេះផ្ទះ (មួយខ្នង)  ស្ថិតនៅចំណុចភូមិឡ ឃុំព្រៃក្រសាំង ស្រុកសាមគ្គីមុនីជ័ឃ ខេត្តកំពង់ស្ពឺនេះមានម្ចាស់ឈ្មោះ ពេជ្រ  សុន ភេទស្រី អាយុ៧០ឆ្នាំ មានទីលំនៅភូមិ. ឃុំ កើតហេតុខាងលើ រងការខូចខាតដូចខាងក្រោម៖

– ឆេះផ្ទះតៀមចំនួនមួយខ្នងទំហំ ៥ម៉ែត្រ×៦ម៉ែត្រ ធ្វើអំពីឈើជញ្ជាំងក្ដារ ដំបូលប្រក់ស័ង្កសី

– ឆេះស្រូវចំនួន០៩បេ

– ឆេះអង្ករចំនួន០១បេ 

– ឆេះគ្រែចំនួន០៤ គ្រែ  

– ឆេះសំបុត្រកំណើតចំនួន០៣សន្លឹក – – – – ឆេះអត្តសញ្ញាណប័ណ្ណសញ្ជាតិខ្មែរ ចំនួន០១ សន្លឹក 

– ឆេះសៀវភៅស្នាក់នៅចំនួន០១ក្បាល – – – ឆេះសម្ភារៈ ប្រើប្រាស់ក្នុងផ្ទះនិងខោអាវមួយចំនួនទៀត។

សមត្ថកិច្ចបានបន្តទៀតថា មូលហេតុបណ្តាលមកពីឆ្លងចរន្តអគ្គិសនី បង្កជាអណ្តាតភ្លើងឆាបឆេះតែម្តងទៅ ហើយករណីនេះមិនបណ្តាលឱ្យមានគ្រោះថ្នាក់ដល់មនុស្សទេ ។

កម្លាំងអធិការដ្ឋាននគរបាលស្រុកសាមគ្គីមុនីជ័យមិនបានចេញរថយន្តពន្លត់អគ្គិភ័យទៅជួយពន្លត់ទាន់ពេលវេលាទេ ដោយសារទទួលបានព័ត៌មានយឺតពីប្រជាពលរដ្ឋ៕

ដោយ៖ ចន្ទ លីហ្សា