សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ អនុវត្តតាមបទបញ្ជាយ៉ាងម៉ឹងម៉ាត់ លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្ដព្រះសីហនុ នៅវេលាម៉ោង១៤:០០នាទីរសៀល ថ្ងៃទី២៩ ខែកុម្ភ: ឆ្នាំ២០២៤ កម្លាំងជំនាញ នៃការិយាល័យប្រឆាំងគ្រឿងញៀន មន្ទីរស្រាវជ្រាវនិងបង្រ្កាបបទល្មើស កងរាជអាវុធហត្ថខេត្តព្រះសីហនុ បានកសាងសំណុំរឿងបញ្ជូនជនសង្ស័យចំនួន០២នាក់ ពាក់ព័ន្ធនឹងករណីជួញដូរនិងប្រើប្រាស់ដោយខុសច្បាប់នូវសារធាតុញៀន ទៅអយ្យការអមសាលាដំបូងខេត្តព្រះសីហនុ ដែលចុះបង្រ្កាបស្ថិតក្នុងក្រុមទី៤ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ។
សមត្ថកិច្ចបានបញ្ជាក់ថា ៖ ជនសង្ស័យពាក់ព័ន្ធករណីខាងលើមានឈ្មោះដូចខាងក្រោម ៖
១/ ឈ្មោះ យន់ យូ ភេទប្រុស អាយុ ២៤ឆ្នាំ មុខរបរ មិនពិតប្រាកដ ស្នាក់នៅក្រុមទី៤ ភូមិ៤ ឃុំអូរត្រេះ ស្រុកស្ទឹងហាវ។
២/ ឈ្មោះ សាន រី ភេទប្រុស អាយុ ៣៥ឆ្នាំ មុខរបរ រត់ម៉ូតូឌុប ស្នាក់នៅក្រុមទី៧ ភូមិ៣ សង្កាត់លេខ៣ ក្រុងព្រះសីហនុ។
សមត្ថកិច្ចបន្តថា ៖ ចាប់ដកហូតវត្ថុតាងរួមមាន ៖ ម្សៅសថ្លាចំនួន ០៨កញ្ចប់ (ធំ១កញ្ចប់) ទម្ងន់ ៣,៦១ក្រាម ថ្លឹងទាំងសម្បក, ប្រាក់រៀល ១៨០,០០០រៀល, ទូរសព្ទដៃ ០៣គ្រឿង, ដែកកេះ ០១ និងម៉ូតូ ០២គ្រឿង ៕
ដោយ ៖ សិលា
