សារព័ត៌មាន នគរវត្ត តែងតែនាំមុខគេជានិច្ច
ខ្សែបម្រើប្រយុទ្ធ Kai Havertz បានក្លាយជាកីឡាករសំខាន់ដែលរកបាន១គ្រាប់នៅចុងម៉ោងជួយឲ្យក្រុមម្ចាស់ផ្ទះកាំភ្លើងធំ Arsenal ទទួលបានការប្រកួតឈ្នះលើក្រុម Brentford ក្នុងលទ្ធផល២ទល់១ ដែលធ្វើឱ្យពួកគេឈរកំពូលតារាង Premier League បណ្តោះអាសន្ន មុនពេលគូប្រជែងដណ្តើមពាន Liverpool និង Manchester City ជួបគ្នានៅថ្ងៃអាទិត្យនេះ។
Arsenal ដែលសម្លឹងរកការនាំមុខកំពូលតារាងជាលើកដំបូងចាប់តាំងពីខែធ្នូបានឈានទៅមុខតាមរយៈការតែតបាល់បញ្ចូលទីរបស់ Declan Rice នាំមុខនៅនាទីទី១៩។ ក្រុមម្ចាស់ផ្ទះបានបន្តគ្រប់គ្រងបាល់បានច្រើនជាងក្រុមភ្ញៀវហើយនៅតង់ទី២ Havertz បានបើកឱកាសដ៏ល្អបំផុតរបស់ពួកគេដើម្បីបន្តទៅមុខទៀតដែលជិតនឹងចប់ម៉ោងប្រកួតទៅហើយ។
ប៉ុន្តែ ទោះបីជាយ៉ាងណា ការងារល្អក្នុងការប្រកួតនៅតង់ទីមួយត្រូវបានទទួលលទ្ធផលស្មើ ដោយសារកំហុសរបស់ Ramsdale។ អ្នកចាំទីជម្រើសជាតិអង់គ្លេសរូបនេះដែលចូលលេងដោយសារតែ David Raya មិនមានសិទ្ធិប្រកួតជាមួយក្លិបមេរបស់គាត់ បានធ្វើការសម្រេចចិត្តលើការសង្គ្រោះបាល់ ហើយភ្លាត់ស្នៀតឱ្យកីឡាករ Yoane Wissa របស់ក្រុម Brentford ស៊ុតបញ្ចូលទីនៅក្នុងម៉ោងបន្ថែមនៃតង់ទី១ ធ្វើឲ្យលទ្ធផលស្មើគ្នា១ទល់១។
ចូលដល់តង់ទី២ ក្រុម Arsenal បានបន្តគ្រប់គ្រងបាល់រហូតដល់ជាង៧០ភាគរយ ហើយនៅនាទីទី៨៦ Havertz បានតែតបាល់បញ្ចូលទីពីការបញ្ជូនបាល់យ៉ាងល្អរបស់ Ben White។
Havertz ដែល Brentford បានប្រកែកថា គួរតែទទួលបានកាតលឿងជាលើកទីពីរសម្រាប់ការប៉ះទង្គិចគ្នាមុនពេលដែលគាត់បានស៊ុតបាល់បញ្ចូលទីក្នុងការប្រកួត Premier League ជាលើកទី៤ជាប់ៗគ្នារបស់គាត់ដើម្បីធ្វើឱ្យ Arsenal មានពិន្ទុនាំមុខ Liverpool ១ពិន្ទុ និង២ពិន្ទុនាំមុខ Manchester City។នេះបាននាំឱ្យមានការប្រារព្ធពិធីដ៏រីករាយនៅកីឡដ្ឋាន Emirates ទោះបីជាក្រុមកាំភ្លើងធំដឹងថា គូប្រជែងដណ្តើមពានរបស់ពួកគេមានឱកាសត្រឡប់មកពីលើពួកគេនៅកីឡដ្ឋាន Anfield នៅថ្ងៃអាទិត្យក៏ដោយ។
អ្វីដែលគួរឱ្យចាប់អារម្មណ៍ចំពោះការរត់យ៉ាងត្រចះត្រចង់របស់ក្រុម Arsenal ទៅកាន់កំពូលតារាងគឺជាវិធីដែលពួកគេបានបំបែកគូប្រជែងរបស់ពួកគេដាច់ពីគ្នា។ គ្រាប់ស៊ុតបញ្ចូលទី៣១គ្រាប់ក្នុងការប្រកួតលីកចំនួន៧នៅដើមឆ្នាំ២០២៤ គឺបង្ហាញពីគុណភាពនៃការវាយលុករបស់ពួកគេ ខណៈដែលការបដិសេធរបស់ពួកគេក្នុងការបង្ហាញក្តីសង្ឃឹមក្នុងការលើកពាននៅរដូវកាលនេះ ៕
ដោយ៖ ភារៈ(រូបភាព ៖ BBC Sport)
