សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកវរសេនីយ៍ឯក ស៉ឹម ពិសិដ្ឋ អធិការ នៃអធិការដ្ឋាននគរបាលខណ្ឌទួលគោក បានឱ្យដឹងថា ដោយអនុវត្ដន៍តាមការណែនារបស់ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី១១ ខែមីនា ឆ្នាំ២០២៤នេះ បានចាត់ឱ្យលោកអធិការរង ,លោកនាយផ្នែកជនាញ នាយប៉ុស្ដិ៍ បន្តចុះទៅតាមអនុវិទ្យាល័យ និងវិទ្យាល័យចំនួន ០៧ក្នុងមូលដ្ឋាន ដេីម្បីអប់រំផ្សព្វផ្សាយផលប៉ះពាលនៃគ្រឿងញៀន ,ការប្រេីប្រាស់បារីអេឡិចត្រូនិច សុវត្ថិភាពចរាចរណ៍ផ្លូវគោក ,ការសេពគ្រឿងស្រវឹង និងក្មេងទំនើង។
ជាក់ស្ដែងលោកអធិការរង នាយផ្នែកជនាញ និងនាយប៉ុស្ដិ៍ បានចុះទៅតាមអនុវិទ្យាល័យ និងវិទ្យាល័យចំនួន ០៧ មានដូចជា៖
១-វិទ្យាល័យ ឥន្រ្ទទេវី, ២-វិទ្យាល័យ ជាស៊ីមសន្ធរម៉ុក, ៣-វិទ្យាល័យ ជាស៊ីមសាមគ្គី, ៤-អនុវិទ្យាល័យ វត្ដនាគវ័ន្ដ, ៥-វិទ្យាល័យ ទឹកល្អក់, ៦-អនុវិទ្យាល័យ អូរបែកក្អម, ៧-អនុវិទ្យាល័យ អនុវត្ដ។
ជាក់ស្ដែងក្នុងសកម្មភាពនោះ មានសិស្សានុសិស្សសរុបទាំង០៧ សាលាមានចំនួន៩០៤៦នាក់ក្នុងនោះស្រីមាន៤៥៦៤នាក់ ដើម្បីធ្វើការអប់រំផ្សព្វផ្សាយផលប៉ះពាលនៃគ្រឿងញៀន និងផលប៉ះពាល់នៃការប្រេីប្រាស់ប្រេីប្រាស់បារីអេឡិចត្រូនិច(វេប,យូស), ព័ត៌មានថ្មីៗនៃផលប៉ះពាល់អំពីខ្យល់អុីដ្រូសែនដែលដាក់ចូលក្នុងប៉េតប៉ោង, អប់រំអំពីសុវត្ថិភាពចរាចរណ៍ផ្លូវគោក អប់រំផ្សាព្វផ្សាយកុំឱ្យក្លាយខ្លួនជាក្មេងទំនើង និងជាពិសេសការប្រេី(សេពគ្រឿងស្រវឹង)ជាដេីម៕
ដោយ៖ តារា
