សារព័ត៌មាន នគរវត្ត តែងតែនាំមុខគេជានិច្ច
កីឡាករ Conor Bradley ខ្សែការពារស្តាំរបស់ក្រុមហង្សក្រហម Liverpool ត្រូវបានគេរំពឹងថា នឹងអវត្តមានប្រហែល៣សប្តាហ៍ដោយសាររបួសកជើង។
Bradley វ័យ២០ឆ្នាំបានទទួលរងបញ្ហានៅដើមតង់ទី២នៃការប្រកួត Premier League កាលពីថ្ងៃអាទិត្យដោយក្រុម Crystal Palace។ គាត់ត្រូវបានជំនួសដោយ Trent Alexander-Arnold ដែលបានត្រឡប់ពីរបួសជង្គង់ដែលបានធ្វើឱ្យគាត់មិនបានលេងតាំងពីខែកុម្ភៈ។
Bradley គ្រោងនឹងខកខានការប្រកួត Europa League កាលពីថ្ងៃព្រហស្បតិ៍ពេលប៉ះជាមួយ Atalanta និងការប្រកួត Premier League ជាមួយ Fulham, Everton និង West Ham នៅសេសសល់នៃខែមេសា។
Liverpool បានចាញ់ក្រុម Atalanta ក្នុងលទ្ធផល ៣–០ ក្នុងការប្រកួតជើងទី១ ហើយនឹងត្រូវប្រកួតជើងទី២ដើម្បីប្រជែងយកកៅអីនៃវគ្គពាក់កណ្តាលផ្តាច់ព្រ័ត្រ Europa League របស់ពួកគេក្នុងប្រទេសអ៊ីតាលីនៅថ្ងៃព្រហស្បតិ៍នេះ។
Bradley អាចត្រឡប់មកវិញនៅខែឧសភា នៅពេលដែល Liverpool ប្រកួតជាមួយ Tottenham, Aston Villa និង Wolves ដើម្បីបញ្ចប់យុទ្ធនាការ Premier League របស់ពួកគេ។ កីឡាករអន្តរជាតិអៀរឡង់ខាងជើងរូបនេះបានបង្ហាញខ្លួន២២ប្រកួតឱ្យហង្សក្រហមនៅរដូវកាលនេះ ដោយស៊ុតបញ្ចូលទីបានមួយគ្រាប់ និងបន្ថែមការបញ្ជូនបាល់ឱ្យមិត្តរួមក្រុមចំនួន៦ដង។
ការបរាជ័យរបស់ក្រុម Liverpool នៅក្នុងទឹកដី ដោយក្រុម Crystal Palace បានធ្វើឱ្យពួកគេមានចាញ់២ពិន្ទុតាមពីក្រោយក្រុមកំពូលតារាង Manchester City ជាមួយនឹងការប្រកួតចំនួន៦ដែលត្រូវលេងនៅរដូវកាលនេះ ៕
ដោយ៖ ភារៈ (រូបភាព ៖ BBC Sport)
