🔴ចេះធ្វើរឿងបែបហ្នឹងទៅរួច ! … អតិថិជនអន់ចិត្តខាង nham 24 ដឹកជញ្ជូនសុីភ្នែកជញ្ជីង ទិញ(គីនឆាយ) ២គីឡូក្រាម ផ្តល់អោយតែ ១គីឡូក្រាម

ភ្នំពេញ ៖ ខាងដឹកជញ្ជូន nham 24 ធ្វើឲ្យអតិថិជនមានការខកចិត្តយ៉ាងខ្លាំង បន្ទាប់ពីមិនបានបំពេញកាតព្វកិច្ចជូនអតិថិជនតាមការកម្មង់ទិញ និយាយរួមគឺ nham 24 សុីភ្នែកជញ្ជីង ទិញ(គីនឆាយ) ២គីឡូក្រាម ផ្តល់អោយតែ ១គីឡូក្រាម កោតតែហ៊ានធ្វើរឿងមិនគប្បីបែបនេះទៅរួច ។ ដូច្នេះមិនដឹងថា ខាង nham 24 មិនដឹងជាធ្លាប់ធ្វើបែបនេះ ទៅលើអតិថិជនណាខ្លះទៀត បើលេចចេញទង្វើបែបនេះ។

នៅរសៀលថ្ងៃទី១ ខែឧសភា ឆ្នាំ២០២៤ មានអតិថិជនមួយរូបបានទូរសព្ទមកប្រាប់អង្គភាពមជ្ឈមណ្ឌលព័ត៌មាន”នគរវត្ត”យ៉ាងដូច្នេះថា៖ គាត់បានកម្មង់ទិញ មាន ម្នាស់ ,ការ៉ុត , គីនឆាយ ហើយអ្វីដែលជាបញ្ហានោះ គឺការទិញ គីនឆាយ ហើយមុនដំបូងគាត់បានកម្មង់ទិញចំនួន ៣គីឡូក្រាម។ គាត់បន្តថា ៖ ប៉ុន្តែនៅ UrBio Market មានតែ ២ គីឡូក្រាម ដូច្នេះគាត់ក៏ឯកភាពទិញ ២គីឡូនោះក៏បានដែរ។ ផ្ទុយទៅវិញដល់ពេលខាង nham 24 ដឹកមកដល់ គាត់មានភាពសង្ស័យពីព្រោះ ឃើញតិចពេក ក៏យកមកថ្លឹងបានត្រឹមតែ១គីឡូក្រាមប៉ុណ្ណោះ ទើបគាត់សម្រេចសួរទៅខាង nham 24 ហើយខាងnham 24 បាននិយាយថាភ្ញៀវ ពួកខ្ញុំបាញ់គីឡូសល់ជូនគាត់វិញក៏បានដែរ ដោយសារដើមវាមិនស្មើគ្នា ដូច្នេះវាអត់គ្រប់គីឡូ។
អតិថិជនដដែលបានបន្តថា ៖ បើខាង nham 24 និយាយបែបនេះ មានន័យថា មិនទទួលខុសត្រូវចំពោះកំហុសរបស់ខ្លួន គ្មានការសុំទោសអតិថិជនសូម្បីបន្តិច ! ហើយមិនត្រូវនិយាយថា យកលុយទៅវិញ ឬត្រូវយក គីនឆាយ បែបនេះឡើយ ? បើរកស៊ីរបៀបនេះ តើឱ្យអតិថិជនមានទំនុកចិត្តទេ ហើយបានធ្វើទៅលើអតិថិជនណាខ្លះកន្លងមក ? គាត់លើកឡើងថា ខ្ញុំជួបករណីបែបនេះមិនតិចជា៣ដង ទើបសម្រេចចិត្តផ្តល់ជាព័ត៌មាន ដល់អតិថិជន ដទៃទៀត ជៀសវាងការរងគ្រោះចំពោះករណីសុីគីឡូបែបនេះ។
ពាក់ព័ន្ធក្នុងករណីនេះ អង្គភាពមជ្ឈមណ្ឌលព័ត៌មាន«នគរវត្ត» បានធ្វើការទំនាក់ទំនងទៅខាង nham 24 ដែលមានលេខទូរសព្ទ 011642624 ប៉ុន្តែទូរស័ព្ទខលចូល បានត្រឹមឮតែសំឡេងភ្លេង គ្មានអ្នកទទួល គ្មានអ្នកលើក ជាច្រើនលើកច្រើនសារ។ ដោយឡែកខាងផេក nham 24 ដែលមានលេខទូរស័ព្ទ 015642624 ទូរសព្ទ័ ចូល ក៏ដាក់ភ្លេងដូចគ្នា គឺគ្មានអ្នកទទួល ។ ក្នុងនោះសូម្បីតែតាមប្រព័ន្ធតេឡេក្រាម ចំពោះសំណួរដែលសួរថា, មានអតិថិជនបានបញ្ជាក់ថាខាង nham 24 ទិញគីនឆាយ ចំនួន ២គីឡូក្រាម ហើយថ្លឹងពិតប្រាកដឃើញតែមួយគីឡូក្រាម តើចំណុចនេះ អ្នកទទួលខុសត្រូវជាមួយអតិថិជន ឬសុំទោសអតិថិជនដែលឬអត់ ? ផ្ទុយទៅវិញ ខាង nham 24 មិនបានបើកមើលតាមប្រព័ន្ធតេឡេក្រាមឡើយ ៕

ដោយ ៖ សិលា