🔥Update ៖ ឆ្លងចរន្តអគ្គិសនី​ ឆេះតូបលក់សម្ភារៈគ្រឿងកង្ហារនៅ​ផ្សារ​ទួល​គោក​ ខ្ទេច​ទាំងស្រុង

ភ្នំពេញ​៖​ តូបលក់សម្ភារៈគ្រឿងកង្ហារមួយកន្លែង​ ស្ថិតនៅ​​ផ្សារ​ទួល​គោក​ ត្រូវ​បាន​អគ្គិភ័យ​ភ័យឆាបឆេះតូបទាំងព្រឹក​បង្កការ​ភ្ញាក់ផ្អើល​ដល់​កម្លាំង​សមត្ថកិច្ច​ចម្រុះ​ចុះជួយ​អន្តរាគមន៍​បាញ់ពន្លត់​ទាន់ពេលវេលា​ មិនបង្កឱ្យឆេះ​រាលដាលខ្លាំង​ដល់តូប​អ្នកដទៃ​ទៀត។ 

ហេតុការណ៍ខាងលើនេះ​ បានកើតឡើង​នៅវេលាម៉ោង ០៩និង១៥នាទីព្រឹក ថ្ងៃទី០២ ខែកក្កដា ឆ្នាំ២០២៤ មានករណីអគ្គិភ័យមួយ កន្លែងកើតឡើងនៅចំណុច ផ្សារទួលគោក តូបលេខPD01  ផ្លូវ៥៨៦ ក្រុម៥៨ ភូមិ១៣ សង្កាត់បឹងកក់២ ខណ្ឌទួលគោក រាជធានីភ្នំពេញ។

– មូលហេតុ: ឆ្លងចរន្តអគ្គិសនី ។

-ប្រភេទសំណង់: ថ្មបេតុង ទំហំ ០៤ម៉ែត្រ X ០៦ម៉ែត្រ ។

-ខូចខាតសម្ភារៈ ឆេះតូប ទំហំ ០៤ម៉ែត្រ x០៦ម៉ែត្រ ចំនួន ០១តូច រួមទាំងសម្ភារៈគ្រឿងកង្ហារអស់មួយចំនួន ហើយបណ្តាលឲ្យឆេះរាលដាលដល់តូបលេខ PD02 ខូចខាតបន្ទប់ជាន់ឡៅតឿចំនួន ០១បន្ទប់ រួមទាំងសម្ភារៈក្នុងបន្ទប់អស់ទាំងស្រុង ។

គួរបញ្ជាក់ថា​ ករណី​អគ្គិភ័យនេះ បានពន្លត់១០០% នៅម៉ោង ១០និង០០នាទីព្រឹក នាថ្ងៃខែឆ្នាំដដែលដោយប្រើប្រាស់ រថយន្តការិយាល័យបង្ការ និងពន្លត់អគ្គិភ័យចំនួន ១៨គ្រឿង ប្រេីប្រាស់ទឹកអស់ចំនួន ១៨ឡាន ស្មើនឹង ៧២ម៉ែត្រគូប ។

ដោយ​ឡែក​រថយន្តជំនួយអន្តរាគមន៍​រួមមាន​៖​ រថយន្តអគ្គិភ័យក្រសួងមហាផ្ទៃចំនួន ០២គ្រឿង ពុំប្រើប្រាស់ទឹក ៕

ដោយ​៖ តារា​