🔥អគ្គិភ័យឆាបឆេះផ្ទះបញ្ចូលហ្គាសបណ្ដាលឲ្យប្ដីរងរបួស

ភ្នំពេញ ៖ ផ្ទះលក់ហ្គាសមួយកន្លែងត្រូវបានអគ្គិភ័យឆាបឆេះយ៉ាងសន្ធោសន្ធៅបណ្ដាលឲ្យបុរសជាម្ចាស់ផ្ទះរងរបួសរលាកមួយចំហៀងខ្លួនត្រូវបានបញ្ជូនទៅកាន់មន្ទីរពេទ្យ ។ 

ហេតុការណ៍នេះបានកើតឡើងនៅវេលាម៉ោង៤ល្ងាច ថ្ងៃទី២៨ខែកក្កដាឆ្នាំ២០២៤ ស្ថិតតាមបណ្តោយផ្លូវបេតុង ក្នុងសង្កាត់ចោមចៅ២ ខណ្ឌពេាធិសែនជ័យ រាជធានីភ្នំពេញ ។ 

បើតាមប្រភពពីកន្លែងហេតុបានឲ្យដឹងថា មុនពេលកើតហេតុគេបានឮសំឡេងផ្ទុះមានផ្សែងហុយចេញជាអណ្តាតភ្លើង យ៉ាងសន្ធោសន្ធៅឆាបឆេះ ភ្លាមៗនោះប្រជាពលរដ្ឋបានរាយការណ៍ទៅកាន់សមត្ថកិច្ចមូលដ្ឋាន ដើម្បីបន្តទាក់ទងទៅកាន់មន្រ្តីជំនាញរបស់ការិយាល័យបង្ការ និងពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ មកអន្តរាគមន៍បាញ់ពន្លត់ ។ ក្រោយពីកម្លាំងសមត្ថកិច្ចកម្លាំងជំនាញ បង្ការនិងពន្លត់អគ្គិភ័យទទួលដំណឹងភ្លាម សមត្ថកិច្ចបានចេញនូវរថយន្តពន្លត់ដើម្បីមកបាញ់ពន្លត់ទប់ស្កាត់អគ្គិភ័យ កុំអោយរាលដាលដល់ផ្ទះដទៃផ្សេងទៀត ។

ក្នុងការឆាបឆេះនេះសមត្ថកិច្ចបានប្រើប្រាស់រថយន្តពន្លត់អគ្គិភ័យអស់ចំនួន៣គ្រឿង ចេញអន្តរាគមន៍ដល់ទីតាំងកើតហេតុខាងលើនេះ។ ចំពោះមូលហេតុមន្ត្រីជំនាញកំពុងស្រាវជ្រាវ ៕

ដោយ៖  រ៉ារ៉ា