សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ជនសង្ស័យមួយក្រុមជិះម៉ូតូជាច្រើនគ្រឿងប្រើហិង្សាដេញកាប់ទៅលើជនរងគ្រោះម្នាក់បណ្តាលឱ្យរងរបួសធ្ងន់ បង្កការភ្ញាក់ផ្អើលដល់អ្នកភូមិ ទាំងយប់នៅក្រុងស្វាយរៀង។
ហេតុការណ៍នេះបានកើតឡើងកាលពីវេលាម៉ោង៩និង៣០នាទីយប់ថ្ងៃទី២៨ ខែកក្កដា ឆ្នាំ២០២៤ នៅចំណុចស្រះវង់ ស្ថិតក្នុងភូមិស្រះវង់ សង្កាត់ស្វាយរៀង។
យោងតាមសមត្ថកិច្ចនគរបាលក្រុងស្វាយរៀងបានអោយដឹងថា ជនរងគ្រោះមានឈ្មោះលាប កុសល អាយុ១៨ឆ្នាំ មុខរបរមិនពិតប្រាកដ រស់នៅភូមិសាលាស្រុកចាស់ សង្កាត់ព្រៃឆ្លាក់ ក្រុងស្វាយរៀង រងរបួសធ្ងន់ត្រង់ប្រអប់ជើងស្តាំ)ត្រូវបានបញ្ជួនទៅមន្ទីរពេទ្យបង្អែកខេត្តស្វាយរៀង។
បើតាមសាក្សីបានអោយដឹងថា មុនកើតហេតុមានជនមិនស្គាល់អត្តសញ្ញាណមួយក្រុមបានជិះម៉ូតូប្រមាណ៣ទៅ៤គ្រឿង បានធ្វើសកម្មភាព ដេញកាប់ទៅលើជនរងគ្រោះម្នាក់ឈ្មោះលាប កុសល បណ្តាលអោយរងរបួសធ្ងន់ប្រអប់ជើងស្តាំ បង្កការភ្ញាក់ផ្អើលដល់អ្នកលក់ដូរនិងប្រជាពលរដ្ឋរាយការណ៍ទៅសមត្ថកិច្ចនិងបានបញ្ជួនទៅមន្ទីរពេទ្យបង្អែកខេត្តស្វាយរៀង ។
ចំណែកក្រុមជនសង្ស័យវិញ ក្រោយពីធ្វើសកម្មភាពដេញកាប់ជនរងគ្រោះរួចហើយ បានជិះម៉ូតូគេចខ្លួនបាត់ ស្រមោលភ្លាមៗតែម្ដង។
បច្ចប្បន្នជនសង្ស័យទាំងនោះសមត្តកិច្ចនគរបាលជំនាញកំពុងធ្វើការស្រាវជ្រាវដើម្បីស្វែងរកចាប់ខ្លួនអោយខាងតែបាន៕
ដោយ៖ សុថាន
