សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សមត្ថកិច្ចខណ្ឌកំបូលបានធ្វេីការឃាត់ខ្លួនមន្ត្រីអាវុធហត្ថម្នាក់និងស្ត្រីម្នាក់យកទៅសួរនាំនិងចាត់ការតាមនីតិវិធី ពាក់ព័ន្ធការលួចបេីកល្បែងស៉ីសងដោយខុសច្បាប់(ឆ្នោតឡូតូ)។
សមត្ថកិច្ចបានបន្តថា ការឃាត់ខ្លួនមនុស្សប្រុសស្រីខាងលេីនេះបានធ្វេីឡេីងកាលពីវេលាម៉ោង៣រសៀល ថ្ងៃទី០៨ ខែសីហា ឆ្នាំ២០២៤ នៅចំណុចផ្ទះគ្មានលេខ ផ្លូវបេតុង ភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ ។
ជនសង្ស័យទី១ឈ្មោះ ហួន ឌីម៉ូវ ភេទប្រុស អាយុ ៣៤ឆ្នាំ មុខរបរអាវុធហត្ថក្រុង ស្នាក់នៅភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ ។ ទី២.ឈ្មោះ ម៉ម សោភា ភេទស្រី អាយុ ២៩ឆ្នាំ មុខរបរលក់ដូរ ស្នាក់នៅភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ។ ចាប់យកសម្ភារៈ ៖ កុំព្យូទ័រ មួយ ដុំwifi មួយ ដុំម៉ាស៉ីន ឆ្នោតឡូតូមួយ និងម៉ូនីទ័រតូច ធំ។
កន្លងមក សម្តេច ធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាយ៉ាងម៉ឹងមាត់រាល់ល្បែងស៉ីសងគ្រប់ប្រភេទត្រូវតែបង្ក្រាបទាំងអស់ ដេីម្បីធានានូវសុវត្តិភាព និងលុបបំបាត់ អំពេីហិង្សាក្នុងគ្រួសារ ចោរលួច ឆក់ ប្លន់ តែផ្ទុយទៅវិញហេតុអ្វីបានជាបុរសឈ្មោះ ហួន ឌីម៉ូវ ជាមន្ត្រីកងរាជអាវុធហត្ថបែរជាហ៊ានបេីកល្បែងស៊ីសងខុសច្បាប់ទៅវិញ ដោយផ្ទុយទៅនិងប្រសាសន៍នាយករដ្ឋមន្ត្រី។ ចាំមេីលតេីវាសនាលោក ហួន ឌីម៉ូវ ទៅជាយ៉ាងណា? ។
បច្ចុប្បន្នជនសង្ស័យរួមទាំងវត្ថុតាំងពាក់ព័ន្ធ នាំយកមកប៉ុស្តិ៍នគរបាលរដ្ឋបាលកន្ទោក រួចបញ្ជូនបន្តមកអធិការដ្ឋាននគរបាលខណ្ឌកំបូល ដើម្បីសាកសួរបន្តចាត់ការតាមនីតិវិធី៕
ដោយ ៖ សុខាសែនជ័យ
