🔥ករណីអគ្គិភ័យមួយកន្លែងកើតឡើងនៅចំណុចឃ្លាំងផលិតនំ ស្ថិតក្នុងភូមិសំរោង សង្កាត់ឃ្មួញ ខណ្ឌសែនសុខ

ភ្នំពេញ៖ កាលពីថ្ងៃ២១ ខែសីហា ឆ្នាំ២០២៤ វេលាម៉ោង ០៣និង១៥នាទីទៀបភ្លឺ មានករណីអគ្គិភ័យមួយកើតឡើងនៅចំណុចឃ្លាំងផលិតនំ ស្ថិតក្នុងភូមិ សំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ។

អគ្គិភ័យនេះបានឆេះឡធ្វើនំ បណ្តាលឱ្យឆាបឆេះសំណង់ថ្ម ទំហំ ៥០ម៉ែត្រ x ១០០ ម៉ែត្រ បណ្តាលឲ្យខូចខាតសម្ភាររួមមាន៖ ខូចឡដុតនំចំនួន៤  ឆេះឡចំហុយនំចំនួន ២ និងសម្ភារមួយចំនួន ប៉ុន្តែពុំបានឆេះដល់ផ្ទះអ្នកក្បែរខាងឡើយ ។ អគ្គិភ័យនេះមិនបណ្តាលឱ្យមានមនុស្សរបួសឡើយ។

អគ្គិភ័យនេះពន្លត់បានទាំងស្រុងនៅវេលាម៉ោង ០៥និង១៥នាទីទៀបភ្លឺ នាថ្ងៃខែឆ្នាំ ដដែល ដោយប្រើប្រាស់រថយន្តការិយាល័យបង្ការ និងពន្លត់អគ្គិភ័យចំនួន ០៦គ្រឿង  ប្រើប្រាស់ទឹកអស់ចំនួន៦ឡាន ស្មើនឹង២៤ម៉ែត្រគូប៕

ដោយ៖ សូរិយា